1 कुरुन्थियों 2:3 - चम्बयाली नौआ नियम

³ ते मैं अपणी कमजोरी ते डर कने ते बड़ा कंमदे-कंमदे तुसा कने रेया।

1 कुरुन्थियों 2:3 ပူးပေါင်းရင်းမြစ်များ

प्रेरितां रे कम्म 17:1

फिरी पौलुस ते सीलास अम्फिपुलिस ते अपुल्लोनिया कस्बेयां का होई करी थिस्सलुनीके सहर बिच आये, जित्ते यहूदियां री इक्क सभास्थल थिया।

प्रेरितां रे कम्म 18:1

इसेरे बाद पौलुस एथेंस सहर जो छड्डी करी कुरिन्थुस सहर बिच आए।

प्रेरितां रे कम्म 18:12

जां गल्लियो अखाया प्रदेश रा राज्यपाल थिया तां यहूदी मणू पौलुस रे खिलाफ होई गे, ते तिसजो हिसाब-किताब री गद्दी रे सामणे लियाई करी, बोल्णा लग्गे।

प्रेरितां रे कम्म 18:6

पर जां तिन्हा लोक्कां ने पौलुस रे खिलाफ होई करी तिसेरी बेजती करणा लग्गे, तां पौलुस ने अपणे कपड़े झाड़ी करी तिन्हा जो बोल्लेया, तुसा अपणी जिन्दगी तांइ अप्पु जिम्मेदार हिन, मैं बेकसूर है, अव्वे मैं गैर यहूदी रे मणूआं का जाई करी तिन्हा जो परमेश्वर रा बसेख सूणाणा।

2 कुरुन्थियों 10:1

मैं पौलुस, तुसा का मसीह यीशु री दयालुता ते निमतेपन कने बिनती करदा, हालांकि मेरे जो इस गल्ल रा एहसास है कि तुसा लोक्कां जो ए लगदा कि मैं आमणे-सामणे गल्ल करणे बिच डरपोक है, ते सिर्फ चीठ्ठी लिख्खी करी गल्लां समझाणे बिच बड़ी हिम्मत रखदा।

2 कुरुन्थियों 10:10

किजोकी तुसा बिच का मते जणे बोलदे, कि मेरी चीठ्ठियां तां बड़ी कड़क ते जोरदार हिन, पर जिस बेल्ले मैं आमणे-सामणे मिलदा, तां कमजोर ते गल्ल-बात करणे बिच बेकार लगदा।

2 कुरुन्थियों 13:4

मसीह यीशु सरीर री कमजोरी बिच सुली पर चढाई करी मारे गे, ते अवे परमेश्वर री ताकत रे जरिये जिया करदे हिन, तिस्सी तरिक्के कने असी भी मसीह यीशु सांई सरीर रे तौर पर कमजोर हिन, पर असी परमेश्वर री ताकत कने तुसा रे मामलेयां जो निपटाणे तांइ, मसीह यीशु कने जीणा।

2 कुरुन्थियों 13:9

पर जिस बेल्ले असी कमजोर हुंदे ते तुसा ताकतवर हुंदे, तां असा जो बड़ी खुसी हुंदी, इसेरे अलावा असी प्रार्थना भी करदे कि तुसा मसीह यीशु बिच विश्वास करणे बिच सिद्व होई जाओ।

2 कुरुन्थियों 4:1

इधेरे तांइ जां असा रे पर इदेयी दया होई कि असा जो परमेश्वर रा बसेख सुनाणे री सेवा मिल्ली तां असी हिम्मत नी हारदे।

2 कुरुन्थियों 4:16

इधेरे तांइ असी हिम्मत नी हारदे, हालांकि असा रा सरीर मुकेया करदा है पर असा अंदर असा री आत्‍मा हर रोज नौई हुंदी जांदी।

2 कुरुन्थियों 6:4

हर तरिक्के कने असी ए ज़ाहिर करदे कि असी परमेश्वर रे चुणे रे दास हिन, असी बड़े सबर कने दुखां, कमी-घटियां ते मुसीबतां जो सैह्‍ंदे।

2 कुरुन्थियों 7:15

ते जां से याद करदा कि तुसा सारे तिसेरी सारी गल्लां मनदे थिये, ते तिस कने हमेसा डर ते इज्जत कने मिलदे थिये, तां तुसा तांइ तिसेरा प्यार होर भी बधी जांदा।

2 कुरुन्थियों 7:5

किजोकी जां असी त्रोआस सहर का निकली करी मकिदुनिया प्रदेश बिच आए थिये तां भी असा जो अराम नी मिल्लेया, पर असा जो चारो पास्से का मुसीबतां कने घिरे रे थिये, बाहर लड़ाईयां थी ते अन्दर ड्रौणी गल्लां थी।

इफिसियों 6:5

ओ गुलामों, इस दुनिया बिच जे तुसा रे मालक हिन, तिन्हेरे हुकमां जो मन्नों ते अपणे मन रे सिद्देपन कने तिन्हेरे तिन्ने ही भरोसेमंद रेयो जिन्ना तुसा मसीह कने हिन,