1 कुरुन्थियों 2:16 - चम्बयाली नौआ नियम

¹⁶ पर जिय्यां कि पवित्रशास्त्र बिच लिख्खे रा है, “कोई भी नी जाणी सकदा कि परमेश्वर रे मन बिच कै है। कोई भी तिन्हा जो सिखाई नी सकदा” पर पवित्रात्मा ने असी विश्वासी लोक्कां जो मसीह रे मन जो समजणे री ताकत दित्ते री है।

1 कुरुन्थियों 2:16 ပူးပေါင်းရင်းမြစ်များ

यूहन्ना 15:15

अवे मैं तुसा जो नौक्कर नी बोलणा किजोकी कोई नौक्कर नी जाणदा कि उसेरा मालक कै करदा, पर मैं तुसा जो दोस्त बोल्लेया, किजोकी से सब गल्लां जे मैं अपणे पिता का सुणी तुसा जो दस्सी दित्ती री हिन।

रोमियों 11:34

किजोकी पवित्रशास्त्र बिच लिख्खे रा है, “प्रभु रे मन जो कोई नी जाणी सकदा? ते कोई भी इन्ना समजदार नी है कि तिन्हा जो सलाह देई सके।

1 कुरुन्थियों 12:8

पवित्रात्मा इक्क जणे जो तिन्हेरे बसेख रे बारे बोलणे री खूबी दिंदे जे कि ज्ञान कने भरपूर हुंदी, ते से ही आत्‍मा दूए मणू जो तिन्हेरा बसेख बोलणे री खूबी दिंदे जे समझ कने भरपूर हुंदा।