1 कुरुन्थियों 2:15 - चम्बयाली नौआ नियम

¹⁵ जिन्हा मणूआं ने पवित्रात्मा जो पाए रा है से मणू सही ते गलत गल्लां बिच का सही फैसला लेई सकदे। पर जिन्हा लोक्कां का पवित्रात्मा नी है से मणू तिन्हा मणूआं रे विचारां जो नी समजी सकदे जिन्हा का पवित्रात्मा है।

1 कुरुन्थियों 2:15 ပူးပေါင်းရင်းမြစ်များ

यूहन्ना 7:17

जे कोई मणू परमेश्वर री इच्छा पर चलणा चाए तिसने ए समजी जाणा कि मेरी शिक्षा परमेश्वर रे पास्से का है या मैं अपणी मर्जी कने बोलदा।

प्रेरितां रे कम्म 16:3

पौलुस ने चाह्‍ंदा थिया कि ए मेरे कने चलन, ते जे यहूदी मणू तिन्हा जगाह् बिच थिये तिन्हेरी वजह कने तिसेरा खतना कित्तेया, किजोकी से जाणदे थिये, कि तिसेरा प्यो यूनानी थिया

1 कुरुन्थियों 14:37

जे कोई मणू अपणे आप जो भविष्यद्वक्ता या इदेया कोई मणू समजदा जिस जो पवित्रात्मा कोई खूबी दित्ते री हो, तां से मणू ए जाणी लै कि जे गल्लां मैं तुसा जो लिखदा से प्रभु रे हुकम हिन।

1 कुरुन्थियों 3:1

ओ संगी विश्वासियों, मैं तुसा रे कने तिय्यां गल्ल नी करी सकेया, जिय्यां आत्मिक मणूआं कने करदा। पर इसेरे उलट मेरे जो तुसा कने इय्यां गल्ल करणा पेई जिय्यां कि दुनियावी मणूआं कने कित्ती जांदी, मतलब उन्हा कने जे मसीह यीशु री गल्लां जो समजणे बिच हल्ले बच्चे हिन।

1 कुरुन्थियों 4:5

इधेरे तांइ, पैल्ले ही कुसकी गल्ल रा हिसाब कताब मत करेया करो, बल्कि जां तांइ प्रभु नी आंदे तां तांइ रुकी रेयो। किजोकी तिन्हा ने लोक्कां री दिल री लुके री गल्लां रे बारे बिच साफ-साफ दसणा जिन्हा रे बारे बिच कोई नी जाणदा। तिन्हा ने लोक्कां रे दिल रे लुके रे इराद्देयां जो साफ-साफ ज़ाहिर करणा। तां फिरी परमेश्वर ने सारेयां री तारिफ करणी।

गलातियों 6:1

ओ संगी विश्वासियों, जे अगर कोई मणू कुसकी गलत कम्म करदा पकड़ेया भी जाओ, तां तुसा मणू जे पवित्रात्मा रे कहे मुताबिक चलदे, निम्तेपन कने इदेय मणू जो सही रस्ते पर वापिस लेयो, ते अपणे तांइ भी चुकन्ने रेयो ताकि तुसा पाप करणे री परिक्षा बिच ना पेई जाओ।

फिलिप्पियों 1:10

ताकि तुसा जिन्दगी बिच अप्पु तांइ सही चीजां जो चुणी सको ताकि तुसा मसीह यीशु रे हटणे रे दिन तांइ निर्मैल ते बेकसूर रेयो।

कुलुस्सियों 1:9

इधेरे तांइ जां रा असी तुसा रे बारे बिच सुणे रा है, तां का ही असी तुसा तांइ प्रार्थना करदे रैहन्दे। असी परमेश्वर का हमेसा प्रार्थना करदे कि से तुसा जो पूरी समझ ते आत्मिक बुद्वी ते समजदारी दैण ताकि तुसा तिन्हेरी इच्छा जो समजी सको।

1 थिस्सलुनीकियों 5:21

हर बसेख जो परखो, ते जे बसेख परमेश्वर रे पास्से का हिन तिन्हा जो अपणाई लेयो।

इब्रानियों 5:14

अनाज तां तिन्हा मणूआं तांइ है जे सही ते गलत रा अनुभव करी के विश्वास करणे बिच समजदार होई गेरे हिन।

1 यूहन्ना 2:20

पर मसीह यीशु ने तुसा जो पवित्रात्मा दित्ते रा है इधेरे तांइ तुसा सारी सच्चाई जाणदे।

1 यूहन्ना 4:1

ओ प्यारेयो, हर तिस मणू पर भरोस्सा मत करो जे ए दावा करदे कि असी पवित्रात्मा रे कहे मुताबिक गल्लां करदे। पर आत्‍मा जो परखो कि से परमेश्वर रे पास्से का हिन का नी किजोकी मते सारे झूठ्ठी भविष्यद्वक्ता दुनिया बिच हिन।