1 कुरुन्थियों 16:9 - चम्बयाली नौआ नियम

⁹ हालांकि तित्ते मेरे मते सारे विरोधी हिन पर तिसेरे बावजूद मेरे जो तित्ते बड़ा असरदार कम्म करणे रा मौक्का मिल्ले रा है।

1 कुरुन्थियों 16:9 ပူးပေါင်းရင်းမြစ်များ

प्रेरितां रे कम्म 14:27

तिते पूज्जी करी, तिन्हा ने कलीसिया इकठ्ठी कित्ती ते दस्सेया, कि परमेश्वर ने असा कने होई करी कदेय बड्डे-बड्डे कम्म कित्ते ते किय्यां गैर यहूदी जो मसीह यीशु बिच विश्वास करणे तांइ दुआर खोल्ली दित्तेया।

1 कुरुन्थियों 15:32

मैं इफिसुस बिच बड़ी ही जादा तंगी-मुसीबतां का गुजरे रा है। मेरे दुश्मण जंगली-जानवरां सांई खूंखार हिन ते तिन्हा ने मेरे जो नुक्सान पूजाए रा है। जे अगर ए सच है कि आखरी दिनां मुर्देयां जो जिन्दा नी कित्तेया जाणा तां मेरे तांइ ए ही खरा हुंदा कि मैं तिस कहावत सांई मौज-मस्ति करां जिस बिच बोल्ले रा है कि आओ असी खांदे-पिंदे, किजोकी कल ता असी मरी ही जाणा, ते से ही असा रा अंत होणा।

2 कुरुन्थियों 1:6

असी इस उम्मीद बिच जुल्म सहन करदे कि जिय्यां परमेश्वर ने असा जो तसल्ली दित्ती, तिय्यां ही तिन्हा ने तुसा जो भी तसल्ली दैणी। से तसल्ली मिलणे री वजह कने तुसा भी बड़े सबर कने तिन्हा जुल्म जो सेइ लैणा जिन्हा जो असी भी सहन करेया करदे हिन।

2 कुरुन्थियों 2:12

जां मैं मसीह यीशु रा सुब बसेख सुनाणे त्रोआस सहर बिच आया, तां प्रभु ने मेरे जो सुब बसेख सुनाणे रा बड्डा मौक्का दित्तेया।

फिलिप्पियों 3:18

किजोकी मैं तुसा जो मती वरी दस्से रा है, ते फिरी भी तुसा जो अपणी हाख्खियां बिच आँसुआं कने दस्सेया करदा है कि इदेय मते मणू हिन जिन्हेरे बारे बिच मैं तुसा जो घड़ी-घड़ी रोई-रोई करी दस्से रा है जिन्हेरी जिन्दगी जीणे रे तरिक्के कने मसीह री कुर्बानी रे मतलब जो बिगाड़ी दिंदे।

कुलुस्सियों 4:3

ते कने-कने असा तांइ भी प्रार्थना करदे रेया करो ताकि परमेश्वर असा जो मसीह रे बसेख रा प्रचार करणे रा इक्क इदेया मौक्का दैण कि असी मसीह रे तिस राज़ रा वर्णन भी करी सकण। मैं अब्बे कैद बिच है किजोकी मैं इस बसेख रा प्रचार कित्ता।

याकूब 5:16

इधेरे तांइ तुसा अप्पु बिच इक्क-दूए रे सामणे अपणे-अपणे पाप्पां जो मन्नी लेयो, ते इक्क-दूए तांइ प्रार्थना करो, जिस कने तुसा अपणी बिमारियां का ठीक होई जाओ। धार्मिक मणू री प्रार्थना रे असर कने सब कुछ होई सकदा।