1 कुरुन्थियों 16:2 - चम्बयाली नौआ नियम

² हफ्ते रे पैल्ले दिन तुसा बिच हर इक्क जणा अपणी-अपणी कमाई बिच का किच्‍छ अप्पु का जमा करी रख्खे ताकि मेरे आणे का बाद दान ना कठेरणा पेयो।

1 कुरुन्थियों 16:2 ပူးပေါင်းရင်းမြစ်များ

मरकुस 14:8

जे किच्‍छ भी ए करी सकदी थी, तिसने कित्ता, तिसने मेरे दब्बे जाणे री तयारी बिच पैल्ले आई करी मेरे जिस्म बिच तेल मलेया।

लूका 16:10

जे थोडे़ का थोडे़ अन्दर भरोसेमंद है, से मती सारी चीजां अन्दर भी भरोसेमंद होणा ते जे थोडे़ का थोडे़ अन्दर बेईमान है, से मती सारी गल्लां अन्दर बेईमान होणा।

लूका 24:1

हफ्ते रे पैले रोज्जे तड़के ही से जनानियां कब्र पर तिस खुशबू वाले लेप जो, जिस जो तिन्हा ने तैयार कित्या थिया, लेई करी आई।

यूहन्ना 20:19

उसी रोज संझा बेल्ले, जे हफ्ते रा पैल्ला रोज थिया, उन्हेरे चेल्‍लेयां ने यहूदियां रे डर रे मारे दरवाज्जे बांद्द कित्ते रे थिये, उस्सी बेल्ले यीशु आई करी तिन्हेरे मंझाटे खड़े होई गे, अते तिन्हा जो बोल्लेया, तुसा जो सांती मिल्लो।

यूहन्ना 20:26

इक्क हफ्ते बाद तिन्हेरे चेल्‍ले फिरी घरे रे अन्दर थिये, अते थोमा तिन्हेरे कने थिया ते दुआर बन्द थिये, तां यीशु आई करी तिन्हेरे मझाटे खड़े होई गे अते बोल्लेया, तुसा जो सांती मिल्लो।

प्रेरितां रे कम्म 20:7

हफ्ते रे पैल्ले रोज्जे, जां असी प्रभु भोज मनाणे तांइ कठिये, तां पौलुस ने, जे दूए रोज्जे जाणे वाला थिया, तिन्हा कने गल्लां कित्तियां अते अद्दी रात्ती तांइ गल्लां करदा रेया

2 कुरुन्थियों 8:10

इस गल्ल पर तुसा तांइ मेरी ए ही सलाह है कि ए ठीक गल्ल होणी कि जे तुसा इक्क साल पैल्ले सुरु कित्तेया थिया, तिस कम्म जो पूरा करो। पिछले साल तुसा पैल्ले मणू थिये जे दान दैणा चाह्‍ंदे थिये, ते तुसा मणू ही पैल्ले हिन जिन्हा ने दान दैणा सुरु भी कित्तेया थिया।

प्रकाशित वाक्य 1:10

इतवार रे दिन पर, जे प्रभु रा दिन है, मैं पवित्रात्मा रे ताकत रे वस बिच थिया। मैं अपणे पीच्छे का इक्क अवाज जो किच्‍छ बोलदे सूणेया, से अवाज कुसकी तुरही सांई बड़ी तेज थी।