1 कुरुन्थियों 16:18 - चम्बयाली नौआ नियम

¹⁸ जिय्यां तिन्हा ने मेरे जो प्रोत्साहित कित्ते रा है, तिय्यां ही तिन्हा ने तुसा जो भी प्रोत्साहित करणा जां तिन्हा ने तुसा का आणा। इन्हा लोक्कां सांई तुसा भी लोक्कां रा आदरमान करेया करो।

1 कुरुन्थियों 16:18 ပူးပေါင်းရင်းမြစ်များ

रोमियों 15:32

ते मैं परमेश्वर री मर्जी कने तुसा का आं, ते तुसा री संगत बिच तरो-ताजा होई जां।

2 कुरुन्थियों 7:13

इस तांइ असा जो तसल्ली मिली, असा री इस तसल्ली ते तीतुस री खुसी री वजह कने, असा जो होर भी जादा खुसी होई, किजोकी तिसेरा मन तुसा री वजह कने होर भी जादा खुस होई गे रा है।

कुलुस्सियों 4:8

मैं तिसजो तुसा का असा रा हाल-चाल दसणे ते तुसा जो विश्वास बिच मजबूत करणे रे मकसद कने भेज्जे रा है।

1 थिस्सलुनीकियों 5:12

ओ संगी विश्वासियों, असी तुसा का बिनती करदे कि जे मणू तुसा बिच मैहनत करदे, ते मसीह बिच तुसा रे अगुवे हिन, ते जे तुसा विश्वास री शिक्षा दिन्दे, तिन्हेरी गल्लां मन्नेया करो।

फिलेमोन 1:20

ओ प्यारे दोस्त, प्रभु तांइ मेरी ए मदद कर कि इक्क मसीही भाई होणे रे नाते मेरे जो प्रोत्साहित कर।

फिलेमोन 1:7

किजोकी ओ संगी विश्वासी, मेरे तांइ तुसा रे प्यार जो दिख्खी करी मेरे जो बड़ी खुसी ते प्रोत्साहन होए रा है, ते दुज्जेया तांइ तुसा रे प्यार री वजह कने परमेश्वर रे मणू भी प्रोत्साहित होण।

इब्रानियों 13:7

जे तुसा रे आत्मिक अगुवे थिये, ते जिन्हा ने तुसा जो परमेश्वर रे बारे बिच दस्सेया थिया, तिन्हा जो याद रख्खो; ते सोच्चो कि से किय्यां जिन्दगी जिन्दे थिये, ते फिरी मरे। जदेया विश्वास तिन्हा जो परमेश्वर बिच विश्वास थिया, तैसा ही विश्वास तुसा भी परमेश्वर बिच दिखाओ।

3 यूहन्ना 1:4

मेरे तांइ इसका जादा होर कोई खुसी री गल्ल नी हुंदी जां मैं सूणदा कि जिन्हा जो मैं अपणे बच्चेयां सांई मनदा से परमेश्वर री गल्लां जो मन्नी करी जिन्दगी जिया करदे हिन।