1 कुरुन्थियों 16:12 - चम्बयाली नौआ नियम

¹² ते संगी विश्वासी अपुल्लोस कने मैं बड़ी बिनती कित्ती कि से बाकि विश्वासियां कने तुसा का आये जे पैल्ले तुसा का आई बैठ्ठे रे हिन, पर तिन्हा ने अब्बे आणा नी चाएया, पर सही वक्त दिख्खी करी तिन्हा ने आई जाणा।

1 कुरुन्थियों 16:12 ပူးပေါင်းရင်းမြစ်များ

मरकुस 6:21

हेरोदियास ने हेरोदेस राज्जे रे जन्मदिन रे मौक्के रा फैदा चुक्केया जां हेरोदेस राज्जे ने अपणे प्रधान्नां, सेनापती ते गलील प्रदेश रे बड्डे लोक्कां ताई धाम पाए री थी।

प्रेरितां रे कम्म 15:34

(पर सीलास जो तित्ते रैह्णा खरा लग्गेया।)

प्रेरितां रे कम्म 18:24

तित्ते ही अपुल्लोस नां रा इक्क यहूदी मणू थिया जिसेरा जन्म सिकन्दरिया सहर बिच होया थिया से विद्वान मणू थिया से इफिसुस सहर बिच आया पवित्रशास्त्र रा तिसजो पूरा ज्ञान थिया

प्रेरितां रे कम्म 19:1

ते जां अपुल्लोस कुरिन्थुस सहर बिच थिया, तां पौलुस तिन्हा प्रदेशां रे उपराल्ले हिस्सेयां बिच सफर करदे-करदे इफिसुस सहर बिच आई पूज्जेया तित्ते तिसजो किच्‍छ चेल्‍ले मिल्ले।

प्रेरितां रे कम्म 24:25

जां पौलुस ने परमेश्वर री धार्मिकता, ते सबर, ते लोक्कां रा हिसाब-किताब करणे रे बारे बिच बोल्लेया करदा थिया, तां फेलिक्स ने डरी करी जवाब दित्तेया, अब्बे ता चली जा, मौक्का दिख्खी करी मैं तिज्जो फिरी सद्दी लिन्गा।

1 कुरुन्थियों 1:12

मेरे बोलणे रा मतलब ए है कि तुसा बिच का कोई बोलदा, मैं पौलुस रे सिखाए चलदा, ते कोई बोलदा कि मैं अपुल्लोस रे सिखाए चलदा, ते कोई बोलदा कि मैं पतरस रे सिखाए चलदा, ते कोई बोलदा कि मैं मसीह यीशु सिखाए चलदा।

1 कुरुन्थियों 3:5

मैं पौलुस ते अपुल्लोस परमेश्वर री सेवा करणे वाले दास का बधी करी होर किच्‍छ नी हिन, जिन्हेरे जरिए तुसा ने मसीह यीशु रे बसेख विश्वास कित्तेया, असा सबने से ही कम्म कित्तेया जे प्रभु ने असा जो दित्तेया।

तीतुस 3:13

जां जेनास नां रे शास्त्रियां ते दुआ मणू अप्पुल्लोस ने अपणे सफर पर निकलणा तां तुसा जे किच्‍छ भी तिन्हेरी मदद तांइ करी सकदे से करेयो। ते इस गल्ल रा ध्यान रख्खेयो कि तिन्हा का से सब किच्‍छ हो जिसेरी तिन्हा जो सफर बिच जरुरत पेई सकदी।

तीतुस 3:4

पर फिरी भी असा जो छुटकारा दैणे वाले परमेश्वर ने असा लोक्कां पर दया कित्ती ते असा कने प्यार कित्तेया