1 कुरुन्थियों 16:11 - चम्बयाली नौआ नियम

¹¹ इधेरे तांइ कोई भी तिसेरी बेज़ती ना करे, पर तिसजो सफर तांइ सारी जरुरी चीजां देई देयो किजोकी मैं तिसजो भालेया करदा है कि संगी विश्वासियां कने मेरे का आए।

1 कुरुन्थियों 16:11 ပူးပေါင်းရင်းမြစ်များ

लूका 10:16

यीशु ने ए भी बोल्लेया, कि जे मणू तुसा री गल्लां पर विश्वास करगा, इसेरा मतलब ए होणा कि तिनिए मेरे पर भी विश्वास करी लेया, ते जे तुसा जो नक्कारी दिंदा, तिनिए मेरे जो भी नक्कारी दित्तेया, ते जे मेरे जो नक्कारी दिंदा, तिसेरा मतलब ए होणा कि तिनिए मेरे भेजणे वाले परमेश्वर जो भी नक्कारी दित्तेया।

प्रेरितां रे कम्म 15:3

तां सारी कलीसिया ने पौलुस ते बरनबास जो किच्‍छ पैसे जमा करी के दित्ते ताकि से थोड़ी दुर तिकर जाई सकण, ते से फीनीके ते सामरिया प्रदेशां का हुन्दे गैर यहूदी लोक्कां जो पाप का तौबा करणे रा सुब बसेख सुणादे गे, ते सब संगी विश्वासी जो बड़ा खुस कित्तेया।

प्रेरितां रे कम्म 15:33

यहूदा जिस जो बरसब्बास रे नां कने भी जाणेया जांदा थिया ते सीलास ने विश्वासियां कने किच्‍छ रोज सांती कने रैह्णा चाएया, पर यहूदा जिस जो बरसब्बास रे नां कने भी जाणेया जांदा से तित्ते का हटी गेया,

1 कुरुन्थियों 16:10

जे अगर तीमुथियुस तुसा का आए ता तिस कने बड़ी इज्जत कने पेश आओ, किजोकी से मेरे सांई ही परमेश्वर रा कम्म करणे वाला मणू है।

2 कुरुन्थियों 1:16

अते मैं ए सोच्चेया कि मकिदुनिया प्रदेश जो जांदे बेल्ले तुसा कने मिली करी जां, अते फिरी मकिदुनिया प्रदेश का हटदे बेल्ले तुसा का दुबारा आ, अते तुसा मेरे जो यहूदियां प्रदेश बिच पुजणे तिकर मेरी किच्‍छ मदद करो।

1 थिस्सलुनीकियों 4:8

जे मणू इन्हा शिक्षाओं जो नी मनदा से कुसकी इन्सान जो नी पर परमेश्वर जो तुच्छ मनदा जे तुसा जो अपणा पवित्रात्मा दिंदे।

1 तीमुथियुस 4:12

किजोकी तुसा जुआन हिन इधेरे तांइ इस हिसाब कने बर्ताव करो ताकि कोई तुसा रा अनादर ना करी सके पर तुसा जो गल्ल-बात करणे कने, तुसा रे बर्ताव कने, दूज्जेयां तांइ अपणे प्यार री वजह कने, मसीह बिच तुसा रे विश्वास री वजह कने ते तुसा रे बेदाग जिन्दगी री वजह कने विश्वासियां तांइ इक्क खरा उदारण बणना चाएदा ताकि से भी तिय्यां ही करण।

तीतुस 2:15

तेरे जो विश्वासी लोक्कां जो गल्लां सिखाणी चाएदी ते तिन्हा जो ए मनणे तांइ प्रोत्साहित करणा चाएदा। जरुरत पैणे पर तेरे का तिन्हा जो सुधारणे रा भी हक है। कुसकी जो भी तेरी सिखाए री गल्लां जो बेकार ना समजे।

3 यूहन्ना 1:6

तिन्हा बिच किच्‍छ विश्वासियां ने कलीसिया रे विश्वासियां जो तेरे बारे बिच दस्से रा है कि तू संगी विश्वासियां कने किन्ना जादा प्यार करदा। अवे मैं तेरे जो बोलदा कि जां से मणू कुसकी जगाह् बिच सफर करणे तांइ जांदे तां तेरे जो तिन्हा लोक्कां री तिन्हेरी जरुरत री चीजां देई करी मदद करदे रैह्णा चाएदा किजोकी इस कने परमेश्वर खुस हुंदे।