1 कुरुन्थियों 16:1 - चम्बयाली नौआ नियम

¹ अवे मैं तिस आर्थिक मदद रे बारे बिच जे परमेश्वर रे गरीब लोक्कां तांइ कठेरेया गेया थिया, जे हुकम गलातिया प्रदेश रे कलीसिया रे विश्वासियां जो दित्तेया थिया, तिय्यां ही तुसा भी करो!

1 कुरुन्थियों 16:1 ပူးပေါင်းရင်းမြစ်များ

प्रेरितां रे कम्म 11:28

तिन्हा बिच का अगबुस नां रे इक्क भविष्यद्वक्ता ने खड़े होई करी पवित्रात्मा रे गलाये ए दस्सेया, कि सारे रोम साम्राज्य बिच इक्क बड्डा अकाल पैणा, ते से अकाल क्लौदियुस सम्राट रे राज रे दौरान पेया।

प्रेरितां रे कम्म 11:30

ते तिन्हा ने तिय्यां ही कित्तेया, ते बरनबास ते शाऊल रे हत्थां बुजुर्ग मणू का किच्‍छ पैसे भेजी दित्ते।

प्रेरितां रे कम्म 16:6

से फ्रूगिया ते गलातिया प्रदेशां का होई करी निकले किजोकी पवित्रात्मा ने तिन्हा जो एशिया प्रदेश बिच वचन सुनाणे जो मना करी दित्तेया थिया।

प्रेरितां रे कम्म 18:23

तित्ते किच्‍छ दिन रुकेया ते तिसेरे बाद तित्ते का चली गेया ते गलातिया ते फ्रूगिया रे प्रदेशां बिच इक्क जगाह् का दूज्जी जगाह् पर सफर करदे सबणी चेल्‍लेयां जो विश्वास बिच बधाणे लग्गेया।

प्रेरितां रे कम्म 24:17

मते साल्लां बाद मैं अपणे लोक्कां जो दान दैणा, ते परमेश्वर जो भेंट चढ़ाणे तांइ यरुशलेम सहर बिच आया थिया।

प्रेरितां रे कम्म 9:13

हनन्याह ने जवाब दित्तेया, ओ प्रभु जी, मैं इस मणू रे बारे बिच मते जणेया का सुणे रा है कि तिसने यरुशलेम सहर बिच तुसा रे परमेश्वर रे लोक्कां री बड़ी वरी बुराई कित्त्ते री है,

प्रेरितां रे कम्म 9:41

तिसने हत्थ देई करी तिसजो खड़ेरेया ते परमेश्वर रे लोक्कां ते विधवा जनानियां जो सद्दी करी तिन्हेरे जो से जिन्दी दिखाई दित्ती

रोमियों 12:13

पवित्र मणूआं तांइ जे किच्‍छ भी जरुरी हो, तिस अन्दर तिन्हेरी मदद करो। अजनबी लोक्कां रीखातिर दारी करणे बिच लग्गी रेयो।

1 कुरुन्थियों 11:34

जे अगर कोई भूख्खा हो तां अपणे घरे ही खाई लेया करे जिस कने जां तुसा कठियो तां तुसा चज्ज कने बर्ताव करेया करो ते परमेश्वर तुसा जो सजा ना दैण। बाकि गल्लां जो मैं आई करी सुलझाई दिंगा। मते तरिक्के रे हिन।

1 कुरुन्थियों 16:15

ओ संगी विश्वासियों, तुसा स्तिफनास ते तिसेरे घराने जो जाणदे। से अखाया प्रदेश रे पैल्ले मणू हिन जिन्हा ने मसीह यीशु बिच विश्वास कित्तेया थिया। ते से मणू परमेश्वर रे लोक्कां री सेवा करणे तिकर हमेसा तैयार रैह्‍न्दे।

1 कुरुन्थियों 4:17

इधेरे तांइ मैं तीमुथियुस जो जे प्रभु बिच मेरा प्यारा अते भरोस्सेमंद पुत्तर सांई है, तुसा का भेज्जेया। तिन्ने तुसा जो दसणा कि इक्क मसीही मणू रे तौर पर मैं किय्यां जिन्दगी जिया करदा है, जदेया कि मैं हर इक्क जगाह् ते हर इक्क कलीसिया बिच दसदा भी।

गलातियों 2:10

तिन्हा ने असा कने वस इक्क ही गल्ल री बिनती कित्ती कि असी यरुशलेम रे गरीब विश्वासियां री मदद करण, ते मैं इस कम्म जो न सिर्फ करणा चाह्‍ंदा थिया बल्कि मैं बड़ा खुस भी होया।

फिलेमोन 1:5

किजोकी मैं मसीह यीशु बिच तुसा रे विश्वास ते परमेश्वर रे सारे लोक्कां तांइ तुसा रे प्यार रे बारे बिच सुणे रा है।

फिलेमोन 1:7

किजोकी ओ संगी विश्वासी, मेरे तांइ तुसा रे प्यार जो दिख्खी करी मेरे जो बड़ी खुसी ते प्रोत्साहन होए रा है, ते दुज्जेया तांइ तुसा रे प्यार री वजह कने परमेश्वर रे मणू भी प्रोत्साहित होण।

इब्रानियों 6:10

किजोकी परमेश्वर हमेसा इंसाफ ही करदे; तिन्हा ने तुसा रे से कम्म नी भुलणे ते ना तुसा रे तिस प्यार जो भुलणा जे तुसा ने तिन्हेरे लोक्कां री मदद करी के दिखाया। ते तिन्हा ने से भी याद रखणा अब्बे जे तुसा तिन्हेरे लोक्कां री मदद करेया करदे हिन।

1 यूहन्ना 3:17

पर जिस का इस दुनिया री धन-दौलत है अते से अपणे संगी विश्वासियां जो जरुरत रे बेल्ले तिस पर दया नी करदा, तां तिस बिच परमेश्वर रा प्यार नी है।