1 कुरुन्थियों 15:9 - चम्बयाली नौआ नियम

⁹ किजोकी मैं प्रेरितां बिच सारेयां का छोटा है, बल्कि मैं प्रेरित केहलाणे रे जोग्गा भी नी है, किजोकी मैं परमेश्वर री कलीसिया रे लोक्कां पर जुल्म करदा हुंदा थिया।

1 कुरुन्थियों 15:9 ပူးပေါင်းရင်းမြစ်များ

प्रेरितां रे कम्म 8:3

पर शाऊल कलीसिया रे लोक्कां पर जुल्म करदा थिया ते सारे जनानियां ते मर्दां जो धृड़ी-धृड़ी करी जेल बिच पाया करदा थिया।

1 कुरुन्थियों 10:32

जे किच्‍छ भी मैं करदा तिस बिच मैं सारेयां जो खुस करणे री कोसीस करदा, मैं सिर्फ अपणा फायदा नी सोचदा पर सारेयां रे फायदे तांइ सोचदा ताकि से मणू छुटकारा पाई सकण। तिय्यां ही तुसा इस तरिक्के कने जिन्दगी जियो कि यहूदी, गैर यहूदी ते परमेश्वर री कलीसियां रे लोक्कां तांइ मुसीबत री वजह बणो।

2 कुरुन्थियों 11:5

मैं नी समजदा कि से झूठ्ठी शिक्षा दैणे वाले लोक, जे अप्पु जो बड़े बड्डे प्रेरित समजदे, मेरे का जादा बदिया हिन।

2 कुरुन्थियों 12:11

मैं इक्क बेवकूफ मणू सांई ता बणेया, पर तुसा ने ही मेरे जो ए करणे पर मजबूर कित्तेया, तुसा जो तां मेरी तारिफ करणी चाएदी थी, हालांकि मैं किच्‍छ भी नी है, तां भी तिन्हा प्रेरितां का जादा बदिया ही है जे अप्पु जो बड़ा बड्डा समजदे।

गलातियों 1:13

तुसा जाणदे कि मैं यहूदी नियमां जो किन्ना जादा मनदा थिया, कि मैं मसीह री शिक्षा पर चलणे वालेयां पर बड़ा वरी जुल्म करदा थिया, ते परमेश्वर री कलीसिया जो नास करणे री कोसीस करदा रैहन्दा थिया।

गलातियों 1:23

पर से मणू ए सूणदे रैह्‍न्दे थिये कि जे पैल्ले असा पर जुल्म करदा थिया, से अवे यीशु मसीह रे सुब बसेख रा प्रचार करेया करदा है।

फिलिप्पियों 3:6

ते मेरे अंदर इन्ना जोस थिया कि मैं कलीसिया जो तंग करणे वाला मणू थिया, ते यहूदी नियमां रे हिसाब कने इक्क धार्मिक मणू थिया किजोकी मैं हर कानून जो मनदा थिया।