1 कुरुन्थियों 15:8 - चम्बयाली नौआ नियम

⁸ आखिर बिच से मेरे जो भी दिस्से, जे इक्क बच्चे सांई है जे मन्नों सही वक्त पर पैदा नी होए रा हो।

1 कुरुन्थियों 15:8 ပူးပေါင်းရင်းမြစ်များ

प्रेरितां रे कम्म 18:9

राती प्रभु जी ने दर्शन रे जरिए पौलुस जो बोल्लेया, मत डर प्रचार करदा जा ते चुप मत हो

प्रेरितां रे कम्म 22:14

फिरी तिसने बोल्लेया, असा रे पूरखां रे परमेश्वर ने तिज्जो इस तांइ चुणे रा है ताकि तू तिन्हेरी मरजी जो जाणे, ते तिस धार्मिक मसीह जो दिख्खे ते तिन्हेरे गल्लां सुणे।

प्रेरितां रे कम्म 22:18

ते यीशु रा दर्शन दिख्खेया कि से मेरे जो बोल्दा, तौले ही यरुशलेम का झट निकली जा किजोकी इत्ते रैह्णे वाले लोक्कां ने मेरे बारे अन्दर तेरी गवाई नी मनणी।

प्रेरितां रे कम्म 22:6

जां मैं चलदे-चलदे दमिश्क कस्बे रे नेड़े पूज्जेया, तां इय्यां होया कि कोई धियाड़ी बेल्ले चाणचक्के ही इक्क बड्डी रौसनी आसमान का मेरे चारो पास्से चमकी।

प्रेरितां रे कम्म 26:12

इस्सी धुन अन्दर जां मैं बड्डे पुरोत्तां का अधिकार ते आज्ञा-पत्तर लेई करी दमिश्क कस्बे जो जाया करदा थिया।

प्रेरितां रे कम्म 26:16

पर अवे उठी करी, अपणे पैरां पर खड़े होई जा किजोकी मैं तिज्जो इधेरे तांइ दर्शन दित्ता कि तिज्जो तिन्हा गल्लां रा भी सेवक ते गवाह ठैह्रां, जे तैं दिख्खियां, ते तिन्हा गल्लां रा भी, जिन्हा तांइ मैं तिज्जो दर्शन दैणा

प्रेरितां रे कम्म 9:17

तां हनन्याह उठी करी शाऊल रे घरे गेया, ते तिस पर अपणा हत्थ रखि करी बोल्लेया, ओ भाई शाऊल, प्रभु यीशु ने मेरे जो भेज्जे रा है, जे तुसा जो रस्ते बिच दिस्से थिये, ताकि तू फिरी दिखि सके ते पवित्रात्मा कने भरी जाए।

1 कुरुन्थियों 9:1

मैं बिल्कुल अजाद है, मैं प्रेरित है, मैं यीशु जो जे असा रे प्रभु हिन, दिख्खे रा है, तुसा प्रभु बिच मेरे कित्ते रे कम्म रा प्रतिफल हिन जे प्रभु ने मेरे जो दित्तेया थिया।