1 कुरुन्थियों 15:6 - चम्बयाली नौआ नियम

⁶ फिरी से पांज्ज सौ का भी जादा प्रेरितां जो भी कठ्ठे ही दिस्से, जिन्हा बिच का मते जणे हल्ले तिकर जिन्दे हिन, पर किच्‍छ मरी भी गे।

1 कुरुन्थियों 15:6 ပူးပေါင်းရင်းမြစ်များ

मत्ती 28:10

तां यीशु ने उन्हा जो बोल्लेया, डरो मत, मेरे चेल्‍लेयां का जाओ जे भाईयां सांई हिन, अते उन्हा जो बोलो कि से गलील जो चली जाण, तित्ते ही तिन्हा मेरे जो दिखणा।

मरकुस 16:7

पर तुसा मणू जाओ, ते तिन्हेरे चेल्‍लेयां ते पतरस जो बोल्लो कि यीशु ने तुसा का पैल्ले गलील प्रदेश जो जाणा, जिय्यां यीशु ने तुसा जो बोल्लेया थिया, तुसा ने तिन्हा जो तित्ते ही दिखणा।”

प्रेरितां रे कम्म 13:36

किजोकी दाऊद तां परमेश्वर री मर्जी रे हिसाब कने अपणे बेल्ले बिच सेवा करी के मरी गेया, ते अपणे पूरखां कने जाई मिल्लेया ते सड़ी भी गेया।

प्रेरितां रे कम्म 7:60

फिरी गोड्डे भारे बेई करी बड़ी अवाज कने बोल्लेया, ओ प्रभु, ए पाप इन्हा पर मत ला ते ए बोल्ली करी से मरी गेया शाऊल तिसेरे मारे जाणे बिच सहमत थिया।

1 कुरुन्थियों 15:18

ते जे अगर मसीह यीशु मुर्देयां बिच का जिन्दे नी हिन होए रे तां तिन्हा बिच विश्वास करणे वाले जे मणू मरी गेरे हिन, तिन्हेरा छुटकारा नी होए रा है ते इसेरा मतलब ए है कि से मणू हमेसा-हमेसा तांइ परमेश्वर बखरे होई गेरे हिन।

1 कुरुन्थियों 15:20

पर हकीकत बिच परमेश्वर ने मसीह यीशु जो मुर्देयां बिच का जिन्दा करी दित्ता, ते मसीह इस गल्ल रा सबूत हिन कि जिन्ने भी विश्वासी मणू मरी गेरे हिन तिन्हा ने उन्हा सारेयां जो जिन्दा करी दैणा।

1 थिस्सलुनीकियों 4:13

ओ संगी विश्वासियों, असी ए चाह्‍ंदे कि तुसा इस गल्ल जो समझो कि जे विश्वासी भाई अवे मरी चुके रे हिन तिन्हा कने कै होणा। तुसा अविश्वासी लोक्कां सांई मत बणो। से तिन्हेरे मरणे पर बड़ा जादा मातम करदे किजोकी तिन्हेरे फिरी जिन्दे होणे री आस नी करदे।

1 थिस्सलुनीकियों 4:15

किजोकी असी तुसा जो प्रभु यीशु रे वचन रे हिसाब कने दस्सेया करदे हिन कि जां मसीह यीशु ने हटणा तां असा जिन्दे लोक्कां का पैल्ले मुर्देयां बिच का जिन्दे कित्ते गेरे लोक्कां ने मसीह यीशु कने मिलणा।

2 पतरस 3:4

अते तिन्हा लोक्कां ने बोलणा, तिनिये वापिस हटणे रा वादा कित्तेया थिया, पर तिनिये झूठ बोल्लेया थिया। सुरुआत बिच जे मणू असा रे मुखिया थिये, से सारे अवे मरी गेरे हिन, पर हल्ले तिकर किच्‍छ भी नी बदलेया। हर चीज तिय्यां ही होया करदी है जिय्यां तिस बेल्ले हुंदी थी जां परमेश्वर ने दुनिया जो बणाया थिया।