1 कुरुन्थियों 15:4 - चम्बयाली नौआ नियम

⁴ ते दब्बे गे, ते पवित्रशास्त्र रे हिसाब कने परमेश्वर ने त्रिये दिन तिन्हा जो मुर्देयां बिच का जिन्दा भी करी दित्ता,

1 कुरुन्थियों 15:4 ပူးပေါင်းရင်းမြစ်များ

मत्ती 12:40

किजोकी जिय्यां योना त्रै रोज्ज अते त्रै रात बड्डी मच्छी रे पेट्टा बिच रेया थिया, तिय्यां ही मणू रे पुत्तर, जे मैं ही है, भी त्रै रोज अते त्रै रात कब्र बिच रैह्णा।

मत्ती 16:21

उस बेल्ले यीशु अपणे चेल्‍लेयां जो दस्सणा लगे, जरुरी है कि मैं यरुशलेम जो जां, ते बुजुर्ग लोक, बड्डे पुरोत्त, अते शास्त्रियां रे हत्थे बड़े दुख उठां, अते मारी दित्तेया जां, ते तिज्जे दिन जिंदा होई जां।

मत्ती 20:19

ते तिन्हा जो गैर-यहूदियां रे हत्थां बिच सौपेंया जाणा कि से तिन्हेरा मजाक उडा़ण, ते कोड़े मारण, ते सुली पर चढ़ा़ण, ते से तिज्जे रोज्जे फिरी जिन्दा कित्ते जाणे।

मरकुस 9:31

किजोकी से अपणे चेल्‍लेयां जो सिखाणा चाह्‍ंदे थिये। यीशु ने अपणे चेल्‍लेयां जो बोल्लेया “मणू रा पुत्तर, जे मैं ही है लोक्कां रे हत्थां पकड़ाया जाणा, अते तिन्हा ने मेरे जो मारी रखणा अते मैं मरणे रे तिज्जे रोज्जे जिंदा होई जाणा।”

लूका 24:26

ए जरुरी थिया कि मसीह ए दुख चुक्की करी अपणी महिमा बिच आओ,

लूका 24:46

अते तिन्हा जो बोल्लेया, पवित्र शास्तर, बिच इय्यां लिख्खे दा है, कि मसीह दुख उठाणा अते तिज्जे रोज्जे मरे रे मणूआं बिच का जिन्दा होई जाणा।

लूका 9:22

फिरी यीशु ने अपणे चेल्‍लेयां जो बोल्लेया, कि ए पक्की गल्ल है, कि मणू रे पुत्तर ने बड़े दुख्ख सैह्णे हिन ते बड़े-बड़े बुजुर्ग लोक, बड्डे पुरोत्त, अते यहूदी शास्त्रियां ने तिसजो नक्कारी दैणा ते मरवाई दैणा, पर तिनिए त्रीय्ये रोज्जे फिरी जिन्दे होई जाणा।

यूहन्ना 19:38

इन्हा गल्लां रे बाद अरिमतिया ग्रां रे यूसुफ ने जे यीशु रा चेल्ला थिया, पर यहूदी अधिकारियां रे डर मारे इस गल्ल जो छुपाई रखदा थिया, तिसने पिलातुस का यीशु री लास लेई जाणे तांइ बिनती कित्ती अते पिलातुस ने तिसेरी अर्जी सूणी, अते से आई करी तिन्हेरी लास लेई गेया।

प्रेरितां रे कम्म 1:3

ते तिन्हा ने दुख झेलणे रे मरणे का बाद अप्पु जो अपणे प्रेरितां रे सामणे पक्के सबुतां कने ए साबित कित्ता कि से फिरी मरे रे लोक्कां बिच का जिन्दे होई गेरे हिन, ते चाली दिनां तिकर से तिन्हा सामणे प्रकट हुंदे रे, ते परमेश्वर रे राज री गल्लां करदे रे।

प्रेरितां रे कम्म 17:31

किजोकी तिन्हा ने इक्क रोज पक्का कित्तेया है, तिन्हा मणूआं रे जरिए धर्म कने दुनिया रा हिसाब-किताब करणा, जिन्हा जो तिन्हा ने चुणे रा है तिन्हा जो मरे रेयां बिच का जिंदा करणा, ए गल्ल सबनियां पर प्रमाणित करी दित्ती गे री है।

रोमियों 6:4

जां असा ने बपतिस्मा लित्तेया, तां ए इदेया थिया कि जिय्यां असी मसीह यीशु कने मरी गे, ते तिन्हा कने दब्बी दित्ते गे, ते जिय्यां पिता परमेश्वर री अनौखी महिमा ने मसीह यीशु जो जिन्दा कित्ता, तिय्यां ही असी भी तिन्हेरे सांई नौई जिन्दगी जीण।

कुलुस्सियों 2:12

तिय्यां ही जां तुसा जो बपतिस्मा दित्तेया गेया तां तुसा रे पापी स्वभाव जो इय्यां गाड़ेया गेया जिय्यां मसीह यीशु जो गाड़ेया गेया थिया। ते जिय्यां से फिरी मुर्देयां बिच का जिन्दे होई गे थिये, तिय्यां ही तुसा जो भी नौई जिन्दगी दित्ती गयी, किजोकी तुसा परमेश्वर री बड्डी ताकत पर विश्वास कित्तेया, जिन्हा ने मसीह यीशु जो मुर्देयां बिच का फिरी जिन्दा कित्तेया थिया।

इब्रानियों 13:20

अवे असा रा सांती दैण वाला परमेश्वर, जिन्हा ने असा रे प्रभु यीशु मसीह जो मुर्देयां बिच का जिन्दा कित्तेया, हमारे जैसी भेड़ां तांइ इक्क पुहाल सांई हिन। तिन्हा ने अपणी जान री कुर्बानी देई करी हमेसा री वाचा जो पक्का कित्तेया।

1 पतरस 1:11

मसीह री आत्‍मा तिन्हा बिच थी ते से तिन्हा जो दस्सेया करदा थिया कि किय्यां मसीह ने बड़े जुल्म सैह्‍ण करणे ते फिरी तिन्हा जो बड़ी महिमा दित्ती जाणी। इधेरे तांइ तिन्हा ने बड़ी खौजबीन कित्ती कि मसीह कुण होणा ते ए सब किच्‍छ कुस समय पर होणा।