1 कुरुन्थियों 15:34 - चम्बयाली नौआ नियम

³⁴ तुसा जो पाप करणा छड्डी करी वापिस धार्मिकता रे कम्म करणा चाएदे। किजोकी तुसा बिच किच्‍छ लोक्कां रा परमेश्वर कने गहरा रिस्ता नी है। ए गल्ल मैं तुसा जो शर्मिंदा करणे तांइ ए बोलदा।

1 कुरुन्थियों 15:34 ပူးပေါင်းရင်းမြစ်များ

मत्ती 22:29

यीशु ने तिन्हा जो जवाब दित्तेया, तुसा पवित्रशास्त्र ते परमेश्वर री ताकत नी जाणदे इसी वजह कने भूल बिच पे रे हो।

यूहन्ना 5:14

इन्हा गल्लां रे बाद से मणू यीशु जो मन्दिर रे अंगण बिच मिल्लेया, यीशु ने तिसजों बोल्लेया, दिख्ख, तू ठीक होई गे रा है: फिरी पाप मत करदा, इय्यां न हो कि इसेरे का भी कोई बड्डी मुसीबत तेरे पर आई पे।

यूहन्ना 8:11

तिस जनानी ने बोल्लेया, ओ प्रभु, कुसकी ने भी नी: यीशु ने बोल्लेया, मैं भी तिज्जो सजा नी दिन्दा। जा, ते फिरी दुबारा पाप मत करदी।

प्रेरितां रे कम्म 26:8

तां पौलुस ने तित्ते खड़ित्ते सारे यहूदियां जो बोल्लेया, हालांकि तुसा मणू ए विश्वास करदे कि परमेश्वर मरी गेरे मणूआं जो जिन्दा करी दिन्दे, तां तुसा ए गल्ल किजो नी मनदे कि परमेश्वर ने यीशु जो मुर्देयां बिच का जिन्दा कित्ते रा है?

रोमियों 1:28

जां तिन्हा ने सोच्चेया कि परमेश्वर जो जाणना तिन्हा तांइ बेवकूफी री गल्ल है, तां परमेश्वर ने भी तिन्हा जो गलत कम्म करणे तांइ तिन्हेरे निकम्मे मन पर छड्डी दित्तेया।

रोमियों 13:11

तुसा बिच का हर इक्क जणे जो इक्क दूए कने प्यार करदे रैह्णा चाएदा, किजोकी से समय आई गे रा है जां परमेश्वर ने असा जो इस दुष्ट दुनिया का बचाई लैणा। असा रे मसीह बिच विश्वास करणे रे तिस बेल्ले का अवे ए छुटकारे रा समय अवे होर भी तौले पुजणे वाला, असा जो इस गल्ल जो समजी करी असा जो चुकन्ने ते होशियार रैह्णा जरुरी है।

1 कुरुन्थियों 4:14

मैं तुसा जो शर्मिंदा करणे तांइ ए गल्लां नी है लिखदा, पर मैं तुसा जो सिखाणे तांइ बोल्लेया करदा है किजोकी तुसा मेरे बच्चेयां सांई हिन जिन्हा कने मैं बड़ा वरी प्यार करदा।

1 कुरुन्थियों 6:5

तुसा लोक्कां जो शर्म आणा चाएदी! जरुर तुसा लोक्कां बिच कोई इक्क जणा होणा ही जे संगी विश्वासियां रे झगड़े सुलझाई सके।

1 कुरुन्थियों 8:7

पर किच्‍छ विश्वासी मणू हल्ले भी इस गल्ल जो नी समजदे कि मूर्तां बिच कोई ताकत नी है, किजोकी पैल्ले से मणू अप्पु भी तिन्हा मूर्तां री पूजा करदे थिये, पर अवे जां से मणू तिस रोट्टी जो खांदे जे मूर्तां जो भेंट चढ़ाए री हुंदी, तां तिन्हा जो इय्यां लगदा कि से मणू मूर्ति पूजा करेया करदे हिन। तां फिरी से मणू अपणे ही ख्यालां बिच परेशान हुंदे रैह्‍न्दे। अपणे दिल बिच तिन्हा जो इय्यां लगदा रैहन्दा कि तिन्हा ने मूर्ति जो चढ़ाए री रोट्टी खाई करी पाप कित्ते रा है।

इफिसियों 5:14

इधेरे तांइ ए बोल्लेया जांदा, “ओ सोणे वाले मणू, जाग, ते मुर्देयां बिच का जिन्दा होई जा! मसीह ने तुसा पर अपणी रौसनी चमकाणी।”

1 थिस्सलुनीकियों 4:5

ते तुसा अन्यजाती लोक्कां सांई वासना बिच पेई करी जिन्दगी मत जियो जे परमेश्वर जो नी जाणदे।