1 कुरुन्थियों 15:12 - चम्बयाली नौआ नियम

¹² इधेरे तांइ अवे मैं तुसा का पूच्छदा कि जां असा सारेयां ने तुसा बिच ए ही प्रचार कित्ते रा है कि मसीह यीशु मरे रे लोक्कां बिच का फिरी जिन्दे होई गे, तां तुसा बिच का किन्ने कियां बोलदे कि मुर्दे लोक्कां रा जिन्दा होणा है ही नी?

1 कुरुन्थियों 15:12 ပူးပေါင်းရင်းမြစ်များ

प्रेरितां रे कम्म 17:32

मरे रेयां रे फिरी जिन्दा होई जाणे री गल्ल सुणी करी किन्ने ही मजाक उड़ाणा लग्गे, ते कित्तणेया ने बोल्लेया, ए गल्ल असा तुसा का फिरी कदी सुणगे

प्रेरितां रे कम्म 23:8

किजोकी सदूकी मणू तां ए बोलदे कि, ना फिरी जिन्दे होई जाणा सच है, ना स्वर्गदूत अते ना ही दुष्टात्मा हुंदी पर फरीसी इन्हा सबणी गल्लां जो मन्दे

प्रेरितां रे कम्म 26:8

तां पौलुस ने तित्ते खड़ित्ते सारे यहूदियां जो बोल्लेया, हालांकि तुसा मणू ए विश्वास करदे कि परमेश्वर मरी गेरे मणूआं जो जिन्दा करी दिन्दे, तां तुसा ए गल्ल किजो नी मनदे कि परमेश्वर ने यीशु जो मुर्देयां बिच का जिन्दा कित्ते रा है?

1 कुरुन्थियों 15:11

इधेरे तांइ चाए मैं हो ते चाए दूए प्रेरित होण, असा सारेयां ने मसीह यीशु रे तिस्सी बसेख रे बारे बिच प्रचार कित्तेया, ते तिस्सी पर तुसा ने विश्वास भी कित्तेया।

2 थिस्सलुनीकियों 2:17

ते असी ए प्रार्थना करदे कि पिता परमेश्वर ते मसीह यीशु तुसा जो हिम्मत ते ताकत दे ताकि तुसा ठीक कम्म करदे ते ठीक गल्लां बोलदे रेयो।

2 तीमुथियुस 2:18

तिन्हा ने सच्चाई बिच विश्वास करणा छड्डी दित्ते रा है। से बोलदे कि परमेश्वर ने विश्वासी लोक्कां जो हमेसा री जिन्दगी तांइ मुर्देयां बिच का फिरी जिन्दा करी दित्ते रा है। इसेरे नतीज्जे रे तौर पर से मते विश्वासियां जो ए सिखाया करदे हिन कि से मसीह यीशु री शिक्षां जो मनणा छड्डी दैण।