1 कुरुन्थियों 15:10 - चम्बयाली नौआ नियम

¹⁰ परमेश्वर रे अनुग्रह री वजह कने ही मैं प्रेरित बणेया, तिन्हेरा से अनुग्रह जे मेरे पर होया, तिसेरा मेरी जिन्दगी बिच बड़ा जादा असर रेया। मैं तिन्हा सारे प्रेरितां का बधी करी मैहनत भी कित्ती: तां भी ए मेरे पास्से का नी होया पर परमेश्वर रे अनुग्रह री वजह जे मेरे पर है।

1 कुरुन्थियों 15:10 ပူးပေါင်းရင်းမြစ်များ

मत्ती 10:20

किजोकी बोलणे वाले तुसा नी हिन, पर तुसा रे परम-पिता री आत्‍मा ने तुसा रे अन्दर का बोलणा।

मत्ती 25:16

तां, जिस जो पांज्ज तोड़े मिल्ले थिये, उसने झट ही उन्हा जो कम्म पर लाई दित्तेया अते पंज तोड़े होर कमाई लै।

रोमियों 11:1

इधेरे तांइ मैं पूच्छदा, कै परमेश्वर ने अपणी प्रजा जो छड्डी दित्तेया? बिल्कुल भी नी! मैं भी तां इस्राएली मणू है, ते अब्राहम रे ‍खानदान ते बिन्यामीन रे गोत्तर बिच का है।

रोमियों 12:3

किजोकी जे अनुग्रह मेरे जो मिल्ले रे तिस अनुग्रह री वजह कने मैं तुसा बिच का हर इक्क जो बोलदा कि जिन्ना अप्पु जो समझणा चाएदा, अप्पु जो कोई तिसका जादा ना समजे पर जिय्यां परमेश्वर ने हर इक्क जणे जो दित्ते रा तिस विश्वास रे नाप रे हिसाब कने, ठीक समझ कने अप्पु जो तिन्ना ही समजे।

1 कुरुन्थियों 15:11

इधेरे तांइ चाए मैं हो ते चाए दूए प्रेरित होण, असा सारेयां ने मसीह यीशु रे तिस्सी बसेख रे बारे बिच प्रचार कित्तेया, ते तिस्सी पर तुसा ने विश्वास भी कित्तेया।

1 कुरुन्थियों 15:2

तिसेरी ही वजह कने तुसा रा छुटकारा भी होणा जे अगर तुसा तिस सुब बसेख बिच विश्वास करणा ना छड्डो जे मैं तुसा जो सुणाया थिया। पर जे अगर तुसा ने तिस बिच विश्वास करणा छड्डी दित्तेया तां तुसा रा मसीह बिच विश्वास करणा बेकार होई जाणा।

1 कुरुन्थियों 3:10

मैं परमेश्वर रे दित्ते रे वरदान कने से कम्म पूरा कित्तेया जे तिन्हा ने मेरे जो करणे तांइ दित्तेया थिया; मैं तुसा रे सहर बिच सुब बसेख सुणाया ते तुसा बिच का सुरु-सुरु बिच मसीह बिच विश्वास करणे वाले लोक्कां जो तिस बिच बधणे तांइ मदद कित्ती। तिसेरे बाद, बाकि मसीही सेवकां ने तिस कम्म जो जारी रख्खेया जे मैं सुरु कित्तेया थिया। पर असा बिच का हर इक्क मसीही सेवक जो इस गल्ल रा ध्यान रखणे री जरुरत है कि असा जो परमेश्वर रा कम्म किय्यां करणा चाएदा।

1 कुरुन्थियों 3:6

परमेश्वर रा बसेख इक्क बीह् सांई है जे जमीन बिच बाया गेया। मैं तुसा लोक्कां जो सुब बसेख सुणाया जिय्यां इक्क मणू खेत्तर बिच बीह् बांदा, ते अपुल्लोस ने तिस कम्म जो शिक्षा दैणे कने जारी रख्खेया जिय्यां इक्क मणू पौधेयां जो पाणी दिंदा पर सिर्फ परमेश्वर ने ही तुसा जो आत्मिक रुप कने बधणे रे काबिल बणाया जिय्यां से पौधेयां जो बधांदे।

1 कुरुन्थियों 4:7

किजोकी तेरे बिच ते दूए बिच कुण फरक करी सकदा, तेरे का अपणा कै है जे तिज्जो दित्तेया ही नी गेया? अते जां तिज्जो सब किच्‍छ कुसकी का मिल्ले रा है, तां फिरी तू इय्यां घमंड किय्यां करी सकदा कि जिय्यां तिज्जो मिल्लेया ही नी?

2 कुरुन्थियों 12:11

मैं इक्क बेवकूफ मणू सांई ता बणेया, पर तुसा ने ही मेरे जो ए करणे पर मजबूर कित्तेया, तुसा जो तां मेरी तारिफ करणी चाएदी थी, हालांकि मैं किच्‍छ भी नी है, तां भी तिन्हा प्रेरितां का जादा बदिया ही है जे अप्पु जो बड़ा बड्डा समजदे।

2 कुरुन्थियों 3:5

असी नी बोलदे कि असा बिच अप्पु किच्‍छ करणे री काबलियत है, पर परमेश्वर असा जो ए सब करणे री काबलियत दिंदे।

2 कुरुन्थियों 6:1

असी जे परमेश्वर रे सहकर्मी हिन, छंदे करी के समझादें की परमेश्वर री अनुग्रह जे तुसा पर है, तिसजो बेकार मत जाणा देयो।

गलातियों 2:8

किजोकी जिय्यां परमेश्वर ने जिय्यां पतरस जो यहूदी लोक्कां बिच प्रेरित रे रुप बिच कम्म करणे तांइ चुणेया, तिय्यां ही तिन्हा ने मेरे जो भी गैर यहूदी लोक्कां बिच प्रेरित रे रुप बिच कम्म करणे तांइ चुणेया।

फिलिप्पियों 2:13

किजोकी परमेश्वर तुसा बिच कम्म करेया करदे हिन, ते तुसा जो इच्छा ते ताकत देया करदे हिन ताकि तुसा से कम्म करो जिस कने से खुस हुंदे।

फिलिप्पियों 4:13

मसीह मेरे जो ताकत दिंदा ते तिस बिच मैं सब किच्‍छ करी सकदा।

1 थिस्सलुनीकियों 5:12

ओ संगी विश्वासियों, असी तुसा का बिनती करदे कि जे मणू तुसा बिच मैहनत करदे, ते मसीह बिच तुसा रे अगुवे हिन, ते जे तुसा विश्वास री शिक्षा दिन्दे, तिन्हेरी गल्लां मन्नेया करो।

1 तीमुथियुस 4:10

किजोकी असी जिंदा परमेश्वर बिच विश्वास करदे इधेरे तांइ असी संघर्ष ते मैहनत करदे ताकि तिस जिन्दगी जो हासिल करी सकण। परमेश्वर असा मणूआं जो छुटकारा दिंदे ते खासतौर पर तिन्हा लोक्कां जो जे तिन्हा बिच विश्वास करदे।