1 कुरुन्थियों 15:1 - चम्बयाली नौआ नियम

¹ ओ संगी विश्वासियों, अवे मैं तुसा जो तिस ही सुब बसेख रा चेत्ता दुआंदा जे मैं पैल्ले सूणाई चुके रा है, जिस पर तुसा ने विश्वास भी कित्तेया थिया ते जिस बिच तुसा मजबूत भी हिन।

1 कुरुन्थियों 15:1 ပူးပေါင်းရင်းမြစ်များ

यूहन्ना 12:48

जे मेरे जो निक्कमा मनदा ते मेरी गल्लां नी मन्दा, तिसजो गलत ठैहराणे वाला तां इक्क है उन्निए ही आखरी दिन बिच तिसजो गलत ठहराणा।

प्रेरितां रे कम्म 11:1

जे प्रेरित ते संगी विश्वासी ने यहूदियां प्रदेश बिच रैहन्दे थिये, तिन्हा ने सूणेया कि गैर यहूदियां ने भी परमेश्वर रे वचन जो मन्नी लेया।

प्रेरितां रे कम्म 2:41

अते जिन्हा ने तिसेरा बसेख सूणेया ते विश्वास कित्ता, तिन्हा ने बपतिस्मा लित्ता ते तिसी दिन त्रै हजार लोक्कां रे लगभग तिन्हा विश्वासियां रे दल बिच मिली गे।

रोमियों 11:20

ए गल्ल सच है कि से तां विश्वास नी होणे री वजह कने कट्टी गयी, पर तू इधेरे तांइ घमंडी मत हो कि विश्वास बिच बणी रैहन्दा, पर डर रख्खेया कर।

रोमियों 2:16

ए सारा किच्‍छ तिस दिन ज़ाहिर कित्तेया जाणा, जां परमेश्वर ने तिस सुब बसेख रे मुताबिक जिसेरा मैं प्रचार करदा, मसीह यीशु रे जरिये लोक्कां रे लुके री गल्लां रा हिसाब लैणा।

रोमियों 5:2

असा रे विश्वास रे जरिये मसीह ने असा जो अनुग्रह दित्ते रा है, जिस बिच असी अज्ज टिके रे हिन, ते असी बड़ी हिम्मत ते खुसी कने परमेश्वर री महिमा जो बंडणे तांइ उत्सुक हिन।

1 कुरुन्थियों 16:13

चुकन्ने रेयो, मसीह यीशु बिच विश्वास करणे बिच स्थिर बणो, हिम्मतवाले बणो, ते विश्वास बिच मजबूत बणो।

1 कुरुन्थियों 3:6

परमेश्वर रा बसेख इक्क बीह् सांई है जे जमीन बिच बाया गेया। मैं तुसा लोक्कां जो सुब बसेख सुणाया जिय्यां इक्क मणू खेत्तर बिच बीह् बांदा, ते अपुल्लोस ने तिस कम्म जो शिक्षा दैणे कने जारी रख्खेया जिय्यां इक्क मणू पौधेयां जो पाणी दिंदा पर सिर्फ परमेश्वर ने ही तुसा जो आत्मिक रुप कने बधणे रे काबिल बणाया जिय्यां से पौधेयां जो बधांदे।

1 कुरुन्थियों 4:15

मसीह यीशु रे पीच्छे चलणे तांइ तुसा जो सिखाणे वाले शायद दस हजार मणू भी होई सकदे, पर सिर्फ मैं ही तुसा तांइ इक्क प्यो सांई है, किजोकी मैं ही सबका पैल्ले तुसा जो सुब बसेख सुणाया, जिसेरा अंजाम ए होया कि अवे तुसा मसीह यीशु बिच विश्वास करदे।

2 कुरुन्थियों 1:24

ए गल्ल नी है कि असी तुसा रे विश्वास पर काबू पाणा चाह्‍ंदे बल्कि तुसा री खुसी बिच तुसा रे कने कम्म करणे वाले हिन किजोकी तुसा विश्वास मजबूत हिन।

1 थिस्सलुनीकियों 1:6

अते बड़ी मुसीबतां रे बिच तुसा ने पवित्रात्मा का मिलणे वाली खुसी कने सुब बसेख जो अपणाया ते प्रभु अते असा सांई जिन्दगी जीणा लगे।

1 थिस्सलुनीकियों 2:13

इस तांइ असी भी परमेश्वर रा शुक्रिया लगातार करदे की जां असा रे जरिए परमेश्वर रे सुब बसेख रा वचन तुसा ने सूणेया, तां तुसा तिसजो मणूआं रा नी पर परमेश्वर रा वचन समजी करी अपणाया कि से हकीकत बिच तिन्हेरे हिन, ते ए ही सुब बसेख तुसा विश्वास करणे वालेयां लोक्कां री जिन्दगी बिच कम्म करदा।

1 थिस्सलुनीकियों 4:1

आखिरकार, संगी विश्वासियों, असी तुसा जो मसीह यीशु बिच जोर पाई करी समझांदे कि इदेइ जिन्दगी जियो जिस कने परमेश्वर खुस हो, जिय्यां तुसा जिया भी करदे हिन ते असी तुसा होर बदिया जिन्दगी जीणे तांइ उत्साहित करदे।

2 थिस्सलुनीकियों 3:6

ओ संगी विश्वासियों, असी तुसा जो तिस अधिकार कने हुकम दिंदे जे असा जो प्रभु यीशु मसीह ने दित्ते रा है कि तुसा हर इक्क जणा इदेय विश्वासी का दुर रेयो जे आलस बिच जिन्दगी बितांदे ते जे तिस शिक्षा रे हिसाब कने नी चलदे जे असा ने तुसा जो सिखाए री है।

1 पतरस 5:12

मैं सिलवानुस री मदद कने ए छोटी जदेई चीठ्ठी लिख्खी करी तुसा जो भेज्जी दित्ते री है। मैं तिसजो मसीह बिच अपणा भरोस्सेमंद भाई समजदा। मेरा तुसा जो ए चीठ्ठी लिखणे रा मकसद तुसा जो होंसला बंधाणा ते इस गल्ल रा यकीन कराणा है कि जे तुसा सैह्‍ण करेया करदे हिन, से तुसा तांइ परमेश्वर रे अनुग्रह रा हिस्सा है। तिन्हेरे अनुग्रह बिच मजबूती कने टिकी रेयो।