1 कुरुन्थियों 14:7 - चम्बयाली नौआ नियम

⁷ इसी तरिक्के अवाज पैदा करणे वाली चीजां री अवाज्जां बिच भी जे अगर कोई फरक ना हो तां तिन्हा जो भी कुसकी ने नी पेहचाणी सकणा।

1 कुरुन्थियों 14:7 ပူးပေါင်းရင်းမြစ်များ

मत्ती 11:17

कि असा ने तुसा तांइ खुसी अंदर संगीत बजाया, पर तुसा नी नच्चे, असा ने मातम मनाया पर तुसा नी रोये।

लूका 7:32

किजोकी ए मणू तां तिन्हा बच्चेयां सांई हिन, जे कि खेल-खेल बिच इक्क-दूज्जे री सिकाइता लान्दे, कि असा ने तुसा तांइ पीपणी बजाई पर तुसा नच्चे नी, असा ने तुसा तांइ रोणे वाले गाणे गाए, पर, तुसा रोए नी

1 कुरुन्थियों 13:1

जे अगर मैं मणूआं ते स्वर्गदूतां री भाषां बोल्लां, पर कुसकी कने प्यार ना करां, तां मेरी गल्ल-बात इक्क ठणठणांदे पित्तल ते झणझणादीं झाज्जं सांई बेमतलब है।

1 कुरुन्थियों 14:6

ओ संगी विश्वासियों जे अगर मैं तुसा का आई करी बखरी-बखरी भाषा बिच गल्लां करणे रे बजाए प्रकाशन, ज्ञान या परमेश्वर रे बसेख री शिक्षा री गल्लां करां, तां तुसा जो मेरे का फायदा होणा।

1 कुरुन्थियों 14:8

जे अगर कुसकी जांग बिच तुरही साफ अवाज ना दे, तां सिपाई भी लड़ाई तांइ तैयार नी होई सकणा।