1 कुरुन्थियों 14:34 - चम्बयाली नौआ नियम

³⁴ किच्‍छ मणू मनदे कि जनानियां कलीसिया री सगंती बिच चुप रैह्ण, किजोकी तिन्हा जो गल्लां करणे री अनुमती नी है, तिन्हा जो अधीन रैह्णे रा हुकम मिल्ले रा है, जिय्यां कि पवित्रशास्त्र बिच लिख्खे रा भी है,

1 कुरुन्थियों 14:34 ပူးပေါင်းရင်းမြစ်များ

1 कुरुन्थियों 11:13

अवे तुसा अप्पु ही सोच्चो कै जनानी रा बगैर सिर ढके रे परमेश्वर का प्रार्थना करणा गल्त है कि नी?

1 कुरुन्थियों 11:3

पर मैं चाह्‍ंदा की तुसा ए जाणी लेयो की हर इक्क आदमी रा सिर मसीह यीशु ते जनानी रा सिर आदमी है कने मसीह यीशु रा सिर परमेश्वर।

1 कुरुन्थियों 11:5

पर जे जनानी सिर बगैर ढके प्रार्थना करदी या परमेश्वर रा बसेख सुणांदी से अपणे लाड़े री बेज़ती करदी जे तिसेरा सिर है। तां फिरी शर्मिंदा होणे रे मामले बिच तिस जनानी बिच ते कुसकी गंजी जनानी बिच कोई फरक नी है।

1 कुरुन्थियों 14:21

जिय्यां कि पवित्रशास्त्र बिच लिख्खे रा है, “मैं परदेसी लोक्कां ते पराई भाषा बोलणे वाले लोक्कां रे जरिए इन्हा लोक्कां कने गल्ल करणी तां भी तिन्हा ने मेरी नी सूणनी।”

1 कुरुन्थियों 14:35

जे अगर से किच्‍छ जादा सिखणा चाह्‍ण तां कलीसिया रे बिच ना पुच्छे पर अपणे घरे अपणे लाड़ेयां का पुच्छे।

इफिसियों 5:33

ए ही गल्ल तुसा बिच का हर इक्क पर लागू हुंदी कि तुसा सारे अपणी लाड़ियां कने अपणे बराबर प्यार रख्खे, ते लाड़ी भी अपणे लाड़े री इज्जत करे।

कुलुस्सियों 3:18

ओ लाड़ियों, तुसा अपणे लाड़ेयां रे अधीन रेयो, किजोकी मसीह यीशु रे विश्वासियां तांइ ए ही करणा सही है।

तीतुस 2:5

ते अप्पु जो काबू बिच रखणे वाली, अपणे लाड़ेयां कने ईमानदार, ते घर री जिम्मेदारियां निभाणे वाली, ते अपणे-अपणे लाड़े रे अधीन रैह्णे वाली होण, ताकि परमेश्वर रे बसेख री बेजती ना हो।