1 कुरुन्थियों 14:12 - चम्बयाली नौआ नियम

¹² इधेरे तांइ तुसा भी जां आत्मिक वरदानां री धुन बिच हिन तां ए कोसीस करो कि इन्हा वरदान्नां री वजह कने पूरी कलीसिया रे तरक्की हो।

1 कुरुन्थियों 14:12 ပူးပေါင်းရင်းမြစ်များ

1 कुरुन्थियों 14:26

ओ संगी विश्वासियों, मैं तुसा जो दसदा कि ए सारा किच्‍छ किय्यां करणा चाएदा, जां तुसा अराधना करणे तांइ कठ्ठिंदे, तां हर इक्क रे मन बिच भजन या उपदेस या बखरी-बखरी भाषां या परमेश्वर रा प्रकाशन या बखरी-बखरी भाषां रा मतलब दसणा, मसीह बिच विश्वासियां रे विश्वास जो मजबूत करणे तांइ होणा चाएदा।

1 कुरुन्थियों 14:1

पूरे दिल कने इक्क-दूए कने प्यार बणाए रखणे री हर मुमकिन कोसीस करेया करो ते आत्मिक वरदान्नां री धुन बिच रेयो, खासतौर पर की भविष्यवाणी करेया करो।

1 कुरुन्थियों 12:31

तुसा बड्डी का बड्डी खूबी जो पाणे री धुन बिच रेयो, पर अवे मैं तुसा जो सारेयां का बदिया रस्ता दसदा।

1 कुरुन्थियों 12:7

परमेश्वर हर इक्क जणे जो पवित्रात्मा रे अनुभव रा सबूत दिंदा ताकि से सारे विश्वासियां री मदद तांइ इस्तेमाल होई सके।

तीतुस 2:14

जिन्हा ने असा जो पाप री ताकत का छुटकारा दैणे तांइ अप्पु जो कुर्बान करी दित्ता ते असा जो धार्मिक ठैहराया ताकि असी तिन्हेरे अपणे खास मणू बणी जाण जिन्हा बिच ठीक कम्म करणे री बड़ी वरी इच्छा है।

रोमियों 14:19

इधेरे तांइ असा जो तिन्हा गल्लां जो करणे बिच लग्गी रैह्णा चाएदा, जिन्हा कने मणू मिली जुली करी रे, ते सारेयां रा विश्वास मजबूत हो।

1 कुरुन्थियों 14:5

मैं चाह्‍ंदा की तुसा बखरी-बखरी भाषा बिच गल्लां करों पर इसका जादा मैं ए चाह्‍ंदा कि तुसा भविष्यवाणी करो किजोकी जे अगर बखरी-बखरी भाषा बोलणे वाला मणू कलीसिया बिच तिसेरा मतलब ना समजाए जे से बोल्लेया करदा है, तां भविष्यद्वक्ता तिसका जादा बधी करी है।

1 कुरुन्थियों 14:13

इधेरे तांइ जे मणू बखरी-बखरी भाषा बोलदा हो, से प्रार्थना करे कि से तिसेरा मतलब भी समझाई सके।