1 कुरुन्थियों 13:6 - चम्बयाली नौआ नियम

⁶ जां मणू गलत कम्म करदे तां से बड़े दुखी हुंदे, पर से मणू तां बड़े खुस हुंदे जां मणू ठीक कम्म करदे।

1 कुरुन्थियों 13:6 ပူးပေါင်းရင်းမြစ်များ

मत्ती 18:13

अते जे जां से तिसजो मिल्ली जाणी, मैं तुसा जो सच बोल्दा, तिसजो तिन्हा नड़िनुये भेड़ां तांइ इन्नी खुसी नी होणी जितणी कि इस इक्क भेड़ तांइ होणी।

लूका 22:5

यहूदा री ए गल्ल तिन्हा जो बड़ी छैल लग्गी अते तिन्हा ने तिसजो ईनाम दैणे रा वादा भी कित्ता

रोमियों 1:32

से ता परमेश्वर रे इन्हा धार्मिकता रे नियमां जो जाणदे कि इदेय-इदेय कम्म करणे वाले मौत री सजा रे जोग्गे हिन, ते फिरी भी ना सिर्फ इदेय कम्म करदे, पर इदेय कम्म करणे वालेयां का खुस भी हुदें। से ता जाणदे कि परमेश्वर इंसाफ करणा चाह्‍ंदे, ते इदेय कम्म करणे वाले मणू तिन्हेरी नजर बिच मौत री सजा रे जोग्गे हिन।

रोमियों 12:9

प्यार करणे बिच कदी कोई दिखावा ना हो, पर दिल कने प्यार करेया करो। बुराई कने नफरत रख्खो। भले कम्म करणे बिच लग्गी रेयो।

फिलिप्पियों 1:18

पर इस कने कोई फरक नी पैन्दा भले ही तिन्हेरे ईरादे ठीक होण या बुरे, मसीह रा सुब बसेख कुसकी ना कुसकी तरिक्के कने सुणाया जांदा, ते मैं इस बिच ही खुस है, ते मैं इस गल्ल बिच इय्यां ही खुस रैह्णा।

फिलिप्पियों 1:4

ते जां भी कदी तुसा सबणी जणेया तांइ प्रार्थना करदा, तां हमेसा खुसी कने प्रार्थना करदा।

फिलिप्पियों 3:18

किजोकी मैं तुसा जो मती वरी दस्से रा है, ते फिरी भी तुसा जो अपणी हाख्खियां बिच आँसुआं कने दस्सेया करदा है कि इदेय मते मणू हिन जिन्हेरे बारे बिच मैं तुसा जो घड़ी-घड़ी रोई-रोई करी दस्से रा है जिन्हेरी जिन्दगी जीणे रे तरिक्के कने मसीह री कुर्बानी रे मतलब जो बिगाड़ी दिंदे।

2 थिस्सलुनीकियों 2:12

परमेश्वर ने तिन्हा सारे लोक्कां रा हिसाब-किताब लैणा जिन्हा ने मसीह यीशु रे सच्चाई रे बसेख पर विश्वास नी कित्तेया पर अपणे बुराई रे कम्मां कने प्यार कित्तेया।

2 यूहन्ना 1:4

मैं बड़ा खुस होया जां मैं सूणेया कि तुसा रे बच्चे तिस सच्चाई रे हिसाब कने जिन्दगी जिया करदे हिन जिस जो मनणे रा हुकम परमेश्वर ने असा जो दित्ते रा है।