1 कुरुन्थियों 13:5 - चम्बयाली नौआ नियम

⁵ प्यार करणे वाले मणू दुज्जेया री बेज़ती नी करदे, से मणू मतलबी नी हुंदे, से सिर्फ अपणी खुसी नी तोपदे, से बड़े तौले गुस्सा नी करदे, ते से अपणे कने होए री बुरी गल्लां जो हमेसा चेत्ता नी रखदे।

1 कुरुन्थियों 13:5 ပူးပေါင်းရင်းမြစ်များ

मत्ती 5:22

पर मैं तुसा जो बोलदा कि जे कोई अपणे भाई पर गुस्सा करगा, तिसजो सजा मिलणी, अते जे कोई अपणे भाई जो निकम्मा बोल्ले तिसजो कचेरी बिच सजा दित्ती जाणी, अते जे कोई अपणे भ्याल जो बेवकूफ बोलगा, तिसजो नरक री आग्ग बिच पाया जाणा।

मत्ती 9:4

यीशु ने तिन्हेरे मन री गल्लां जो जाणी करी बोल्लेया, “तुसां अपणे-अपणे मन अन्दर बुरा किजो सोच्चेया करदे हिन।”

मरकुस 3:5

यीशु ने तिन्हेरे मन री सख्ती का उदास होई करी, तिन्हा जो गुस्से कने चारो पास्से दिख्खेया, ते तिस मणू जो बोल्लेया, “अपणा हत्थ बधा।” ते तिनिये बधाया, ते उसेरा हत्थ खरा होई गेया।

लूका 7:39

ए दिख्खी करी, से फरीसी मणू जिनिये यीशु जो सद्दे रा थिया, अपणे मन अन्दर सोच्णा लग्गेया कि, अगर यीशु सच्चे भविष्यद्वक्ता हुन्दे तां इन्हा जो ए पता लग्गी जाणा थिया कि इन्हा जो छुणे वाली ए जनानी कुण है अते कदेइ है, किजोकी ए तां पापण है।

1 कुरुन्थियों 10:24

हर कोई सिर्फ अपणे ही फायदे तांइ ही नी पर दूज्जे रे फायदे तांइ भी सोच्चे।

1 कुरुन्थियों 11:18

किजोकी पैल्ले ता मैं ए सूणदा कि जां तुसा कलीसिया बिच अराधना करणे तांइ कठिदें तां तुसा बिच फूट पे री है, ते मैं मनदा कि इस गल्ल बिच थोडा़-मती सच्चाई भी है।

1 कुरुन्थियों 12:25

ताकि सरीर बिच फूट ना पये, पर इक्क अंग दूए अंग री बराबर फिकर करे।

1 कुरुन्थियों 7:36

जे अगर तुसा बिच कोई मणू अपणी जुआन कुड़ी रा ब्याह नी करांदा पर अवे तिसजो ए लगदा कि इय्यां करणा सही नी है, पर तिसजो अवे इय्यां लगदा कि तिसजो अपणी कुड़ी रा ब्याह कराणा चाएदा, तां इस मामले बिच तिसजो से ही करणा चाएदा जे तिसजो सही लगदा। से अपणी कुड़ी रा ब्याह कराई करी पाप नी है करेया करदा। तिसजो अपणी कुड़ी रा ब्याह कराणे रा इंतजाम करणा चाएदा।

2 कुरुन्थियों 5:19

इसेरा मतलब ए है कि परमेश्वर ने मसीह यीशु बिच होई करी अपणे कन्ने दुनिया रा मेल जोल करी लित्ता, ते लोक्कां रे पाप्पां रा इल्जाम तिन्हा पर नी लाया। ते ए ही मेल जोल कराणे रा से बसेख है, जे परमेश्वर ने लोक्कां जो सुनाणे तांइ असा जो सौंप्पे रा है।

गलातियों 5:13

ओ संगी विश्वासियों, परमेश्वर ने तुसा जो अजाद होणे तांइ सद्दे रा है इधेरे तांइ अवे तुसा जो मूसा रा कानून मन्नी करी चलणे री जरुरत नी है। अपणे सरीर री बुरी इच्छा जो पूरा करणे रा मौक्का मत देयो बल्कि आपसी प्यार कने इक्क-दूए री सेवा करो।

फिलिप्पियों 2:21

किजोकी सारे अपणे-अपणे मतलब री चीजां रे पीच्छे पे रे हिन। ते तिन्हा गल्लां री फिकर नी करदे जे मसीह यीशु तांइ जरुरी हिन।

फिलिप्पियों 4:8

इस तांइ ओ संगी विश्वासियों, जे गल्लां सच हिन, ते जे गल्लां आदरणीय हिन, ते जे गल्लां सही हिन ते जे गल्लां पवित्र हिन ते, जे गल्लां सोह्णि हिन, ते जे गल्लां दिलां जो भाणे वाली हिन, ते आखिरकार जे ठीक गुण ते तारिफ रे जोग्गे हिन, तिन्हा पर ध्यान लाया करो।

2 थिस्सलुनीकियों 3:7

किजोकी तुसा जो अप्पु ठीक तरिक्के कने पता है कि तुसा जो तिस्सी तरिक्के कने जिन्दगी जीणी चाएदी जिय्यां असी जिन्दे किजोकी जां असी तुसा कने रेया करदे थिये तां असी आलस नी कित्ता पर असी मैहनत करदे थिये।

2 तीमुथियुस 2:10

इधेरे तांइ मैं परमेश्वर रे चुणे रे लोक्कां री भलाई तिकर हर तरिक्के रे दुख-तकलीफ जो सहन करी लिंदा, ताकि से मणू भी मसीह यीशु बिच विश्वास करण ते छुटकारा पाण, ते तिस महिमा जो हासिल करण जे हमेसा-हमेसा तांइ रैह्णी।

2 तीमुथियुस 4:16

पैल्ली वरी मेरे जो रोम सहर बिच हाकिम रे सामणे तिन्हा लोक्कां जो जवाब दैणे तांइ खड़िणा पेया जिन्हा ने मेरे पर किच्‍छ गलत कम्म करणे रा इल्जाम लाया थिया, कोई भी मेरे पास्से का गवाई दैणे तांइ नी आया बल्कि तिन्हा सारे जणेया ने मेरे जो किल्ला छड्डी दित्तेया।

याकूब 1:19

ओ मेरे प्यारे संगी विश्वासियों, तुसा ए गल्ल जाणी लेयो, हर इक्क मणू सुनणे तांइ हमेसा तयार, सबर कने बोलणे वाला ते अपणे गुस्से जो काबू बिच रखणे वाला हो