1 कुरुन्थियों 12:8 - चम्बयाली नौआ नियम

⁸ पवित्रात्मा इक्क जणे जो तिन्हेरे बसेख रे बारे बोलणे री खूबी दिंदे जे कि ज्ञान कने भरपूर हुंदी, ते से ही आत्‍मा दूए मणू जो तिन्हेरा बसेख बोलणे री खूबी दिंदे जे समझ कने भरपूर हुंदा।

1 कुरुन्थियों 12:8 ပူးပေါင်းရင်းမြစ်များ

मत्ती 13:11

यीशु ने जवाब दित्तेया, तुसा जो स्वर्ग रे राज रे भेदां री समझ दित्ती गे री है, पर इन्हा जो नी।

प्रेरितां रे कम्म 6:3

इस तांइ, ओ भाईयो, अपणे बिच का सत्त ठीक नां वाले मणूआं जो जे पवित्रात्मा ते समजदारी कने भरित्ते रे होण, चुणी लो कि असी तिन्हेरे जो इस कम्म पर ठहराई दैण।

रोमियों 15:14

ओ मेरे संगी विश्वासियों, मैं अप्पु ही तुसा रे बारे बिच पक्के तरिक्के कने जाणदा, कि तुसा अप्पु भी भलाई कने भरपूर हिन, ते जे गल्लां परमेश्वर जे तुसा का चाह्‍ंदे, तिन्हा जो जाणदे, ताकि इक्क दूए जो सिखाई सको।

1 कुरुन्थियों 1:30

पर परमेश्वर ने तुसा लोक्कां रा रिस्ता मसीह यीशु कने जोड़ेया, ते मसीह यीशु रे जरिये से असा जो अपणा ज्ञान दिंदे, परमेश्वर असा जो अपणी नजर बिच धार्मिक ठैहरांदे। असी मणू मसीह यीशु रे जरिये पवित्र ठैहराये गेरे हिन ते असा जो पाप का अजाद करदे।

1 कुरुन्थियों 13:2

जे अगर मैं भविष्यवाणी करां ते सारे राज़ ते हर तरिक्के री गल्ल जो समजी सकां, ते मेरे जो परमेश्वर बिच इत्ते तिकर विश्वास हो की मैं पहाड़ां जो हटाई सकदा पर कुसकी कने प्यार ना करां, तां मैं कुसकी कम्मे रा नी है।

1 कुरुन्थियों 13:8

इदेया समय भी आणा जां लोक्कां ने ना ता परमेश्वर रे बसेख री गल्ल करणी ते ना ही बखरी-बखरी भाषां बिच गल्लां करणी, परमेश्वर रे बारे बिच गहरे ज्ञान री भी जरुरत नी रैह्णी पर प्यार हमेसा तांइ रैह्णा।

1 कुरुन्थियों 14:26

ओ संगी विश्वासियों, मैं तुसा जो दसदा कि ए सारा किच्‍छ किय्यां करणा चाएदा, जां तुसा अराधना करणे तांइ कठ्ठिंदे, तां हर इक्क रे मन बिच भजन या उपदेस या बखरी-बखरी भाषां या परमेश्वर रा प्रकाशन या बखरी-बखरी भाषां रा मतलब दसणा, मसीह बिच विश्वासियां रे विश्वास जो मजबूत करणे तांइ होणा चाएदा।

1 कुरुन्थियों 14:6

ओ संगी विश्वासियों जे अगर मैं तुसा का आई करी बखरी-बखरी भाषा बिच गल्लां करणे रे बजाए प्रकाशन, ज्ञान या परमेश्वर रे बसेख री शिक्षा री गल्लां करां, तां तुसा जो मेरे का फायदा होणा।

1 कुरुन्थियों 2:11

कुसकी रे मन री गल्लां जो तिस मणू रे अलावा होर कोई नी जाणी सकदा। तिय्यां ही पवित्रात्मा रे अलावा होर कोई भी परमेश्वर री गल्लां जो नी जाणी सकदा।

1 कुरुन्थियों 2:16

पर जिय्यां कि पवित्रशास्त्र बिच लिख्खे रा है, “कोई भी नी जाणी सकदा कि परमेश्वर रे मन बिच कै है। कोई भी तिन्हा जो सिखाई नी सकदा” पर पवित्रात्मा ने असी विश्वासी लोक्कां जो मसीह रे मन जो समजणे री ताकत दित्ते री है।

2 कुरुन्थियों 1:12

किजोकी असी अपणे विवेक री इस गवाई पर असी पूरी बुड़ख कने बोलदे कि असी अपणे हर काम्म-काज बिच परमेश्वर री दित्ते री पवित्रता ते सच्चाई कने जिन्दगी जिन्दे, खासतौर पर जां असी तुसा कने थिये। असी अपणी इन्सानी समझ पर नी पर परमेश्वर रे अनुग्रह पर निर्भर रैहन्दे।

2 कुरुन्थियों 11:6

भले ही मैं बोल-चाल अन्दर अनाड़ी है, पर मेरे जो ज्ञान री कमी नी है; बल्कि मैं तुसा जो हर बेल्ले ते हर तरिक्के री हालात बिच शिक्षा दैणे रे जरिये इस गल्ल जो साबित कित्ते रा है।

2 कुरुन्थियों 2:14

परमेश्वर रा शुकर हो, मसीह कने असा रा रिस्ता होणे री वजह कने से असा जो मसीह कने हमेसा लेई करी चलदे ते असा जो जीत दुआंदे। ते परमेश्वर अपणे मसीह जो जानणे री खुशबू जो इक्क महक सांई असा रे जरिये हर जगाह् फैलांदे।

2 कुरुन्थियों 4:6

किजोकी परमेश्वर ने ही बोल्ले रा है, “न्याहरे बिच रौसनी चमके।” ते से ही असा रे दिल बिच चमकी, ताकि असी मसीह बिच परमेश्वर री महिमा जो दिख्खी सकण।

2 कुरुन्थियों 8:7

इधेरे तांइ जिय्यां तुसा हर गल्ल बिच, मतलब भरोस्से, शिक्षा, ज्ञान ते हर तरिक्के री मैहनत बिच, ते असा कने प्यार रखणे बिच होर भी जादा बदधे जांदे, तिय्यां ही गरीब विश्वासियां जो दान दैणे रे कम्म बिच भी बदधे जाओ।