1 कुरुन्थियों 12:2 - चम्बयाली नौआ नियम

² तुसा जाणदे कि तुसा रे मसीह यीशु बिच विश्वास करणा का पैल्ले तुसा मूर्ति पूजा करणे तांइ मते तरिक्के कने भटकाए गे थिये।

1 कुरुन्थियों 12:2 ပူးပေါင်းရင်းမြစ်များ

मत्ती 15:14

तिन्हा जो छड्डो से तां अप्पु अन्ने होई करी दूज्जे अन्ने जो रस्ता दसणे वाले हिन, इन्हा दोनां ने ही गत्ता बिच पेई जाणा।

1 कुरुन्थियों 6:11

ते तुसा बिच का मते जणे पैल्ले इदेय ही थिये, पर तुसा प्रभु यीशु मसीह ते परमेश्वर रे आत्‍मा ने तुसा रे पाप साफ कित्ते गे ते तुसा पवित्र ते धार्मिक भी ठैहराया।

गलातियों 4:8

पैल्ले जां असी परमेश्वर जो नी जाणदे थिये तां तुसा तिन्हा जो ईश्वर मन्नी करी चलेया करदे थिये जे हकीकत बिच ईश्वर हिन ही नी।

1 थिस्सलुनीकियों 1:9

किजोकी मणू अप्पु-मिते गल्लां करदे कि जां असी तुसा का आए थिये तां तुसा ने असी लोक्कां रा कदेया स्वागत कित्तेया थिया अते तुसा मूर्तां री पूजा करणा छड्डी करी जिंदे परमेश्वर रे पास्से किय्यां मुड़े थिये, ताकि तुसा जिंदे अते सच्चे परमेश्वर री सेवा करी सको,

तीतुस 3:3

किजोकी मसीह यीशु बिच विश्वास करणे का पैल्ले असी भी नासमझ, परमेश्वर री गल्ल ना मनणे वाले, ते भरम बिच पेय रे ते हर तरिक्के री बुरी इच्छा ते सुख वलास री गुलामी बिच थिये, ते दूज्जेयां कने नफरत करणे ते हिर्स रखणे बिच जिन्दगी बितादें थिये, ते मणू असा कने नफरत करदे थिये ते असी इक्क दूए कने दुश्मणी रखदे थिये।

1 पतरस 1:18

तुसा जाणदे कि पैल्ले तुसा बेकार तरिक्के कने जिन्दगी जिया करदे थिये, से ओ ही तरिक्का थिया जे तुसा जो अपणे का पैल्ले रे मणूआं का मिल्लेया थिया। पर तुसा जो तिस बेकार जिन्दगी का छुटकारा दित्तेया गेया। तुसा रा मुल्ल चुकाया गेया पर सोन्ने चाँदी जदेई चीजां कने नी जे सड़ी जांदी, पर मसीह रे कीमती खून कने, जे इक्क सुच्चे ते सिद्व उरणू सांई हिन।

1 पतरस 4:3

किजोकी तुसा ने अपणे पैल्ले री जिन्दगी जो तिन्हा कम्मां बिच गुजारी दित्ती जिन्हा जो करणे बिच अविश्वासी मणू बड़े खुस रैह्‍न्दे। तुसा री जिन्दगी व्यभिचार ते अश्लीलता, ते अविश्वासी लोक्कां री धाम ते सराब पी करी मतवाल्ले होणे, रंगरेलियां मनाणे, ते तिन्हेरी मूर्तां री पूजा करणे बिच बीत्ती जिन्हा का परमेश्वर नफरत करदे।