1 कुरुन्थियों 12:11 - चम्बयाली नौआ नियम

¹¹ पर इन्हा सारी खुबियां रा जरिया सिर्फ पवित्रात्मा है ते से ही हिन जे अपणी मर्जी रे हिसाब कने सारेयां बिच से खुबियां बंडदे।

1 कुरुन्थियों 12:11 ပူးပေါင်းရင်းမြစ်များ

मत्ती 11:26

हाँ, परम पिता ए इधेरे तांइ होया किजोकी तुसा जो ए ही खरा लग्गेया।

मत्ती 20:15

“क्‍या ए ठीक नी है कि मेरी दौलत जो जिय्यां मर्जी इस्तेमाल करां? मेरा कुसकी कने भलाई करणे पर तिज्जो जलन नी होणा चाएदी।

यूहन्ना 3:27

यूहन्ना ने जवाब दित्ता, जिस बेल्ले तक मणू जो स्वर्ग का हक्क ना दित्तेया जाए, तिस बेल्ले तक सेह कुछ भी नी पाई सकदा

यूहन्ना 3:8

हवा जित्ते चाहन्दी तिते चली आन्दी तू उसेरी अवाज तां सूणदा पर नी जाणदा कि कुते का आंदी है कने कुते जांदी? जेड़ा भी आत्‍मा बिच जम्मेया से इदेया ही है।

यूहन्ना 5:21

जिय्यां पिता, मरे रे लोक्कां जो जिन्दा करदे, तिय्यां ही पुत्तर भी जिन्हा जो चाह्‍ंदा तिन्हा जो फिरी जिन्दा करदा।

रोमियों 12:6

हालांकि असा जो परमेश्वर का मिल्ले रे तिस अनुग्रह रे हिसाब कने, बखरे-बखरे वरदान मिल्ले रे हिन। तां जिस जो भविष्यवाणी करणे रा वरदान मिल्ले रा हो, तिसजो पूरे भरोस्से कने से भविष्यवाणी करणा चाएदी जे गल्लां परमेश्वर ने तिसजो दस्से री हिन।

रोमियों 9:18

इधेरे तांइ परमेश्वर जिस पर दया करणा चाह्‍ंदे तिस पर दया करदे, अते जिस जो जिद्दी बनाणा चाह्‍ंदे तिसजो जिद्दी बणाई दिंदे।

1 कुरुन्थियों 12:18

पर हकीकत बिच परमेश्वर ने असा रे सरीर रे सारे अंगा जो इक्क-इक्क करी के तिन्हेरी सही जगाह् पर असा रे सरीर बिच रख्खेया।

1 कुरुन्थियों 12:4

खुबियां तां मते तरिक्के रे हिन, पर से सारे पवित्रात्मा का ही मिलदे। सेवा करणे रे भी मते तरिक्के हिन पर मणू इक्क ही प्रभु री सेवा करदे। सेवा करणे तांइ भी मते खूबी हिन पर से इक्क ही परमेश्वर हिन जे सारे जणेया जो से सारे खूबी तिन्हेरे खास कम्म जो करणे तांइ दिंदे। जे सारेयां बिच हर तरिक्के रा असर पैदा करदे।

1 कुरुन्थियों 7:17

ते जिय्यां परमेश्वर ने हर इक्क जो जिस तरिक्के री जिन्दगी जीणे रा वरदान दित्ते रा है ते अप्पु का सद्दे रा है, से तिस्सी हिसाब कने अपणी जिन्दगी जीण, ते मैं भी सारी कलीसियां जो ए ही बोलदा।

1 कुरुन्थियों 7:7

मैं ए चांह्दा कि तुसा सारे मेरे सांई बगैर ब्याह रे रैह्‍न्दे पर परमेश्वर ने किच्‍छ लोक्कां जो ब्याह करणे रा वरदान दित्ता रा ओ ते कुसकी जो बगैर ब्याह रे रैह्णे रा।

2 कुरुन्थियों 10:13

असी तां तिस कम्म री सीमा का बाहर कदी भी गर्व नी करणा जे कम्म परमेश्वर ने असा जो दित्ते रा है, पर तिस्सी सीमा तक जे परमेश्वर ने असा तांइ ठैहराई दित्ते री है, ते तिस बिच तुसा भी आई गेरे हिन, ते तिन्हा कम्मां री सीमा बिच ही गर्व भी करणा।

इफिसियों 1:11

अते परमेश्वर ने भी असा रा मसीह यीशु कने रा रिस्ता बणाणे रे जरिये असा जो तिन्हेरे अपणे मणू बणाया, किजोकी सुरुआत का ही तिन्हेरी ए योजना थी, ते परमेश्वर सब किच्‍छ अपणी इच्छा ते योजना रे हिसाब कन्ने करदे।

इफिसियों 4:7

पर मसीह यीशु ने असा सारेयां जो अपणे अनुग्रह रे हिसाब कने बखरे-बखरे दान दित्ते रे हिन।

इब्रानियों 2:4

ते परमेश्वर ने मते चिन्ह-चमत्कार, आश्चर्यकर्म, ते पवित्रात्मा रे दान देई करी इस बसेख जो लोक्कां सामणे पक्का कित्ता।

याकूब 1:18

तिन्हा ने अपणी ही मर्जी कने असा जो सच्चाई रे वचन रे जरिए असा जो अपणी औलाद बणाया, ताकि असी तिन्हेरे बणाए री सृष्टि रे पैल्ले फल्ल सांई सृष्टि रे सबका खास हिस्सा बणन।