ओ संगी विश्वासियों, मैं चाह्ंदा कि तुसा इस गल्ल जो जाणो, कि मैं मती वरी तुसा का आणा चाएया, कि जिय्यां मैं गैर यहूदी लोक्कां जो आत्मिक रीति कने बद्दणे बिच मदद कित्ती, तिय्यां ही तुसा जो आत्मिक रीति कने बद्दणे बिच मदद करां, पर हल्ले तांइ मैं रुके रेया।
ओ संगी विश्वासियों, मैं तुसा जो याद दुआणा चाह्ंदा कि बियाबान बिच असा रे सारे पूरखां ने इक्क बद्दल रे खम्भे रे हेठ सुरक्षा पाई थी, ते से सारे जणे समुन्दर रे बिच का सुके पैर पार होई गे थिये।
जे कोई मणू अपणे आप जो भविष्यद्वक्ता या इदेया कोई मणू समजदा जिस जो पवित्रात्मा कोई खूबी दित्ते री हो, तां से मणू ए जाणी लै कि जे गल्लां मैं तुसा जो लिखदा से प्रभु रे हुकम हिन।
ओ मेरे संगी विश्वासियों, असी ए चांह्दे कि तुसा तिन्हा जुल्मां रे बारे बिच जाणो, जे असा जो एशिया प्रदेश बिच झेलणा पे, तित्ते असी असा री सैह्णे री ताकत का केई जादा तकलीफ बिच फसी गे थिये, इत्ते तक कि असा रे जिन्दे बचणे री भी कोई उम्मीद नी बची थी।
मसीह यीशु ने ही ए बखरे-बखरे दान दित्ते, तिन्हा ने किच्छ जणेया जो प्रेरित ठैहराया, ते किच्छ जणेया जो भविष्यद्वक्ता ठैहराया, ते थोड़े जणेया जो सुब बसेख सुनाणे वाले ठैहराया, ते किच्छ जणेया जो पादरी ते उपदेस दैणे वाले ठैहराया रा है।
ओ संगी विश्वासियों, असी ए चाह्ंदे कि तुसा इस गल्ल जो समझो कि जे विश्वासी भाई अवे मरी चुके रे हिन तिन्हा कने कै होणा। तुसा अविश्वासी लोक्कां सांई मत बणो। से तिन्हेरे मरणे पर बड़ा जादा मातम करदे किजोकी तिन्हेरे फिरी जिन्दे होणे री आस नी करदे।
पर प्यारे दोस्तों, जे गल्ल मैं अवे तुसा जो दसणे वाला ओ तिसजो नजरंदाज मत करदे, परमेश्वर इक्क दिन थोड़े समय रे तौर पर ते हजार साल्लां जो लम्बे समय रे तौर नी दिखदे। से दोन्नां जो इक्क ही रुप बिच दिखदे।