1 कुरुन्थियों 11:32 - चम्बयाली नौआ नियम

³² पर प्रभु असा जो सजा देई करी असा जो अनुशासित करदे ताकि आखरी बिच असा जो दुनिया कने गुनेह्गार ना ठैहराण।

1 कुरुन्थियों 11:32 ပူးပေါင်းရင်းမြစ်များ

रोमियों 3:19

असी जाणदे की मूसा रा कानून, जे किच्‍छ भी बोलदा, सिर्फ तिन्हा जो ही बोलदा जे तिस कानून थल्ले हिन, ताकि कोई भी मणू बहान्ने ना बणाई सके, ते परमेश्वर दुनिया रे सारे लोक्कां जो पापी ठैहराए ते तिन्हा जो सजा दे।

रोमियों 5:16

परमेश्वर ने जे दान असा जो दित्तेया से आदम रे पाप रे अंजाम सांई नी है, किजोकी इक्क मणू रे पाप करणा, सजा दैणे री वजह बणेया, पर असा रे मते पाप करणे रे बावजूद भी परमेश्वर ने असा जो धार्मिकता रा दान दित्तेया।

1 कुरुन्थियों 1:20

तां फिरी अवे असी समजदार मणूआं रे बारे बिच कै बोल्ली सकदे? अवे असी यहूदी नियमां रे शास्त्रियां रे बारे बिच कै बोल्ली सकदे? ते अवे असी तिन्हा लोक्कां रे बारे बिच कै बोल्ली सकदे जे गल्ल-बात करणे बिच बड़े तेज हिन? परमेश्वर ने ए ज़ाहिर जताई दित्तां कि इस दुनिया री समझ रा कोई मुल्ल नी है।

1 कुरुन्थियों 1:21

जां परमेश्वर ने अपणे ज्ञान कने ए समजी लेया कि दुनिया ने तिन्हा जो कदी अपणी इन्सानी समझ कने नी दिख्खी सकणा, तां तिन्हा ने असा रे सुब बसेख रे प्रचार जो इस्तेमाल कित्तेया ताकि विश्वास करणे वाले मणूआं जो बचाए जिस जो कई मणू बेवकूफी समजदे।

1 कुरुन्थियों 11:30

इसी वजह कने तुसा बिच मते जणे सरीर का कमजोर हिन, बिमार हिन ते मते जणे मरी भी गे किजोकी ए तिन्हा पर परमेश्वर री सजा थी।

1 कुरुन्थियों 11:31

जे अगर असी अपणा बर्ताव परखी लिदें तां असी इदेइ सजा नी पांदे।

1 कुरुन्थियों 11:33

इस तांइ ओ मेरे संगी विश्वासियों, जां तुसा प्रभु भोज खाणे तांइ कठिंदे तां इक्क दूए रा इंतजार करेया करो।

1 तीमुथियुस 1:20

उन्ही बिच का हुमिनयुस ते सिकन्दर हिन जिन्हा जो मैं कलीसिया बिच का कड्डी दित्ते रा है ते तिन्हा जो शैतान रे वस बिच छड्डी दित्ते रा है ताकि से मणू समजी जाण कि तिन्हा जो परमेश्वर री बेजती नी करणी चाएदी।

1 यूहन्ना 5:19

असा जो पता है कि असी परमेश्वर कने हिन ते सारी दुनिया तिस शैतान रे वस अन्दर पेरी है।

प्रकाशित वाक्य 3:19

किजोकी मैं जिस कने प्यार करदा, तिसजो सुधारदा भी, ते जिस जो औलाद सांई मनदा, तिसजो कोड़े भी लादां ताकि से पाप रे कम्म करणा छड्डी दे।