1 कुरुन्थियों 11:27 - चम्बयाली नौआ नियम

²⁷ इस तांइ जे कोई कुचज्जे ढंग कने प्रभु री रोट्टी खाए या तिन्हेरे कटोरे बिच का अंगूर रा रस्स पिए से प्रभु रे सरीर ते खून रा गुनेह्गार ठैहरणा।

1 कुरुन्थियों 11:27 ပူးပေါင်းရင်းမြစ်များ

मत्ती 22:11

जां राज्जा मेहमानां जो दिखणे तांइ अन्दर आया, तां तिसने तित्ते इक्क मणू जो दिख्खेया, जे से कपड़े पाई करी नी आया थिया जे तिसजो ब्याह बिच पाणे तांइ दित्ते गे थिये।

यूहन्ना 6:51

हमेसा री जिन्दगी री रोट्टी, जे स्वर्ग का उतरे री है, से मैं है, जे कोई इस रोट्टी जो खान्दा, तिनिये हमेसा तांइ जिन्दा रैह्णा ते जे रोट्टी मैं दुनिया रे लोक्कां जो जिन्दगी तांइ दैणी, से मेरा सरीर है।

1 कुरुन्थियों 10:21

ए मुमकिन नी है कि तुसा इक्क ही समय पर दुष्टात्मा जो चढ़ाए रे कुर्बानी बिच का भी खाओ-पीयो ते कन्ने-कन्ने प्रभु भोज बिच शामिल हो जे असा जो मसीह री मौत रा चेत्ता दुआंदा।

1 कुरुन्थियों 11:29

किजोकी जे अगर कोई प्रभु रे सरीर जो आदरमान दित्ते बगैर प्रभु भोज बिच शामिल हुंदे, तां इय्यां करणे कने तुसा अप्पु पर परमेश्वर री सजा जो अणदे।

इब्रानियों 10:29

तां सोच्ची लेयो, कि इदेय मणू जो होर भी किन्नी जादा वरी सजा दैणी, जे मणू परमेश्वर रे पुत्तर जो नक्कारी दिंदा, ते वाचा रे खून जो बेकार समजदा, जिसेरे जरिए से पवित्र ठैहराया गेया थिया, ते असा पर अनुग्रह करणे वाले पवित्रात्मा री बेजती करदा।