1 कुरुन्थियों 11:25 - चम्बयाली नौआ नियम

²⁵ जां से खाई बैठ्ठे तां तिन्हा ने से कटोरे बिच अंगूर रा रस्स भरी करी लेई आए, “ए कटोरा मेरे खून बिच इक्क नौई वाचा है, जां कदी भी पीयो तां मेरी याद बिच इय्यां ही करेया करो।”

1 कुरुन्थियों 11:25 ပူးပေါင်းရင်းမြစ်များ

लूका 22:20

इय्यां ई, यीशु ने रोट्टी खाणे का बाद अंगूर रे रास्स रा कटोरा चुक्केया अते अपणे चेल्‍लेयां जो बोल्लेया, ए अंगूर रास्स परमेश्वर री तरफ का, ए मेरे खून बिच इक्क नौई वाचा है जे तुसा तांइ बहाया जादां।

इब्रानियों 13:20

अवे असा रा सांती दैण वाला परमेश्वर, जिन्हा ने असा रे प्रभु यीशु मसीह जो मुर्देयां बिच का जिन्दा कित्तेया, हमारे जैसी भेड़ां तांइ इक्क पुहाल सांई हिन। तिन्हा ने अपणी जान री कुर्बानी देई करी हमेसा री वाचा जो पक्का कित्तेया।

2 कुरुन्थियों 3:6

तिन्हा ने असा जो परमेश्वर रे नौए वाचा रे सेवक होणे रे काबिल बणाए रा है, ए नौई वाचा मूसा रे कानून बिच लिख्खे री गल्लां रा नी है पवित्रात्मा रा है। किजोकी मूसा रे कानून पर ना चलणे पर ता मौत मिलदी, पर परमेश्वर री नौई वाचा रे जरिये पवित्रात्मा असा जो हमेसा री जिन्दगी दिंदा।

1 कुरुन्थियों 10:16

जां असी प्रभु-भोज बिच तिस कटोरे बिच का पिंदे, ते जां रोट्टी बिच का खांदे ते जिसेरे तांइ असी परमेश्वर रा भी शुक्रिया करदे तां असी हकीकत बिच मसीह पर होए रे जुल्म ते तिन्हेरी कुर्बानी जो याद करदे। ए तिन्हा आशीषां रा हिस्सा बणने री निशानी है जे असा जो मसीह सरीर रा हिस्सा बणने री वजह कने मिलदी।

2 कुरुन्थियों 3:14

तिन्हेरी समझ मंद होई गे री है, किजोकी अज्ज तांइ जां से तिस मूसा रे कानून जो पढ़दे, तां से ही परदा तिन्हेरी समझ पर पेई रैहन्दा, पर से परदा वस मसीह यीशु पर विश्वास करणे रे जरिए ही हटदा।

1 कुरुन्थियों 11:24

ते परमेश्वर रा शुक्रिया करी के तोड़ी ते बोल्लेया, “ए मेरा सरीर है जे तुसा तांइ है मेरी याद बिच इय्यां ही करेया करो।”