1 कुरुन्थियों 11:22 - चम्बयाली नौआ नियम

²² तुसा अपणे घरे बिच भी खाई-पी सकदे। तुसा इय्यां समजदे कि परमेश्वर री कलीसिया री कोई अहमीयत नी है, ते तुसा कलीसिया रे गरीब लोक्कां जो शर्मिदां करदे। मैं तुसा जो कै बोल्लां? कै इस गल्ल तांइ मैं तुसा री तारिफ करां? ना! मैं इस गल्ल तांइ तुसा री तारिफ नी करदा।

1 कुरुन्थियों 11:22 ပူးပေါင်းရင်းမြစ်များ

प्रेरितां रे कम्म 20:28

इधेरे तांइ अपणी ते अपणे सारे झुण्ड री चुकन्ने रेह्ई करी देख-रेख करो जिन्हा परमेश्वर रे लोक्कां बिच पवित्रात्मा ने तुसा जो कलीसिया रे मुखिया बणाए रा है कि तुसा परमेश्वर री कलीसिया री रखवाली करो जिस जो तिसने अपणे खून कने खरीदी लित्ते रा है।

1 कुरुन्थियों 10:32

जे किच्‍छ भी मैं करदा तिस बिच मैं सारेयां जो खुस करणे री कोसीस करदा, मैं सिर्फ अपणा फायदा नी सोचदा पर सारेयां रे फायदे तांइ सोचदा ताकि से मणू छुटकारा पाई सकण। तिय्यां ही तुसा इस तरिक्के कने जिन्दगी जियो कि यहूदी, गैर यहूदी ते परमेश्वर री कलीसियां रे लोक्कां तांइ मुसीबत री वजह बणो।

1 कुरुन्थियों 11:17

मैं तुसा जो ए बोलणा चाह्‍ंदा कि इस मामले बिच मेरे जो तुसा री गल्ल पसंद नी आई किजोकी तुसा रे कठीणे कने फायदा नी पर सिर्फ नुक्सान ही हुंदा।

1 कुरुन्थियों 11:2

मैं तुसा री तारिफ करदा की तुसा सब गल्लां बिच मेरे जो याद रखदे, ते जे शिक्षा मैं तुसा जो मनणे तांइ दित्ते री हिन तुसा तिसजो मनदे।

1 कुरुन्थियों 11:34

जे अगर कोई भूख्खा हो तां अपणे घरे ही खाई लेया करे जिस कने जां तुसा कठियो तां तुसा चज्ज कने बर्ताव करेया करो ते परमेश्वर तुसा जो सजा ना दैण। बाकि गल्लां जो मैं आई करी सुलझाई दिंगा। मते तरिक्के रे हिन।

1 कुरुन्थियों 15:9

किजोकी मैं प्रेरितां बिच सारेयां का छोटा है, बल्कि मैं प्रेरित केहलाणे रे जोग्गा भी नी है, किजोकी मैं परमेश्वर री कलीसिया रे लोक्कां पर जुल्म करदा हुंदा थिया।

1 तीमुथियुस 3:15

कि जे अगर मेरे तित्ते पुजणे बिच देर भी होई जाओ तां मैं चाह्‍ंदा कि तुसा इस गल्ल जो जाणो कि परमेश्वर रे परिवार, जे कलीसिया है तिस बिच लोक्कां जो इक्क-दूए कने किय्यां बर्ताव करणा चाएदा। जिन्दे परमेश्वर री कलीसिया रे मणू सच्चाई री शिक्षा री नीं ते खम्भे सांई हिन।

1 तीमुथियुस 3:5

जे अगर से मणू अपणे परिवार जो ढंग कने ना चलाई सके तां पक्के तौर पर से मणू परमेश्वर रे लोक्कां री देख-रेख करणे रे काबिल भी नी होई सकदा।