1 कुरुन्थियों 11:20 - चम्बयाली नौआ नियम

²⁰ जां तुसा असा रे प्रभु यीशु मसीह री कुर्बानी जो चेत्ता करणे तांइ कठिदें तां तुसा जो इस गल्ल रा कोई लिहाज नी हुंदा कि तुसा किय्यां प्रभु-भोज खाणा चाएदा।

1 कुरुन्थियों 11:20 ပူးပေါင်းရင်းမြစ်များ

प्रेरितां रे कम्म 2:42

ते से प्रेरितां का शिक्षा पाणे, ते सगंती रखणे, ते प्रभु भोज मनाणे, ते प्रार्थना करणे बिच मगन रे।

प्रेरितां रे कम्म 2:46

से हर रोज इक्क मन होई करी मन्दिर बिच कठिदें थिये, ते घर-घर रोट्टी तोड़दे होए खुसी ते मन रे सिद्देपन कने भोजन करेया करदे थिये,

1 कुरुन्थियों 11:17

मैं तुसा जो ए बोलणा चाह्‍ंदा कि इस मामले बिच मेरे जो तुसा री गल्ल पसंद नी आई किजोकी तुसा रे कठीणे कने फायदा नी पर सिर्फ नुक्सान ही हुंदा।

1 कुरुन्थियों 11:19

हालांकि फूट री वजह कने तुसा बखरे होई गेरे हिन इधेरे तांइ जे मणू सच्चाई कने हिन से असानी कने पहचाणे जाणे।

1 कुरुन्थियों 11:21

किजोकी मेरे जो दस्सेया गे रा है कि प्रभु भोज खांदे बेल्ले इक्क जणा दूए मणू का पैल्ले ही अपणी रोट्टी खाई लिदां, ते इस तरिक्के कने कोई या ता भूख्खा रेई जांदा ते कोई जादा दाखरस पी करी मतवाल्ला होई जादां।

इब्रानियों 10:25

ते इक्क-दूए कने संगती रखणा ना छड्डे, जिय्यां की मते जणेया ने संगती रखणा छड्डी भी दित्ते रा है, पर इक्क-दूए जो प्रोत्साहन दिंदे रैह्णा चाएदा। ते जिय्या-जिय्यां तुसा परमेश्वर रा हटणे रे समय जो नेड़े आया करदा है, तिय्यां-तिय्यां इक्क-दूए जो जादा का जादा प्रोत्साहन देया करो।

2 पतरस 2:13

तिन्हा ने जिन्ना नुक्सान कित्ते रा है, तिस तांइ तिन्हेरा ईनाम सिर्फ बर्बादी है। तिन्हा जो सरे-आम अपणी बुरी इच्छा जो पूरा करणा छैल लगदा। चाए से तुसा कने संगती बिच बेई करी रोट्टी ही किजो ना खाया करदे होण, तां भी तिन्हा जो धोख्खा दैणा पसंद है।

यहूदा 1:12

ए मणू तुसा री मण्डली बिच प्रभु रे प्यार री यादगारी री धाम बिच शामिल हुंदे। से मणू तुसा तांइ इदेय खतरनाक हिन जिय्यां कि समुंद्र बिच लुके री टोल जहाज तांइ हुंदी जिन्हेरी वजह कने जहाज डूब्बी जांदा। से मणू बेशर्म पुहालां सांई हिन जे सिर्फ अपणी ही परवाह करदे। से इदेय बदलां सांई हिन जे हवा कने इत्ते-उत्ते उड़दे पर तिन्हा का कोई बरखा नी हुंदी। से इदेय बूट्टेयां सांई हिन जिन्हा बिच फल्ल नी लगदा ते से जड़ का ही पुट्टी दित्ते गेरे हिन, ते जिन्हेरी दोहरी मौत होए री हो।