1 कुरुन्थियों 11:2 - चम्बयाली नौआ नियम

² मैं तुसा री तारिफ करदा की तुसा सब गल्लां बिच मेरे जो याद रखदे, ते जे शिक्षा मैं तुसा जो मनणे तांइ दित्ते री हिन तुसा तिसजो मनदे।

1 कुरुन्थियों 11:2 ပူးပေါင်းရင်းမြစ်များ

लूका 1:6

जकरयाह अते इलीशिबा परमेश्वर री नजरां बिच धार्मिक थिये, ते प्रभु रे सारे हुक्मा ते विधियां पर चलणे वाले थिये।

1 कुरुन्थियों 11:17

मैं तुसा जो ए बोलणा चाह्‍ंदा कि इस मामले बिच मेरे जो तुसा री गल्ल पसंद नी आई किजोकी तुसा रे कठीणे कने फायदा नी पर सिर्फ नुक्सान ही हुंदा।

1 कुरुन्थियों 11:22

तुसा अपणे घरे बिच भी खाई-पी सकदे। तुसा इय्यां समजदे कि परमेश्वर री कलीसिया री कोई अहमीयत नी है, ते तुसा कलीसिया रे गरीब लोक्कां जो शर्मिदां करदे। मैं तुसा जो कै बोल्लां? कै इस गल्ल तांइ मैं तुसा री तारिफ करां? ना! मैं इस गल्ल तांइ तुसा री तारिफ नी करदा।

1 कुरुन्थियों 15:2

तिसेरी ही वजह कने तुसा रा छुटकारा भी होणा जे अगर तुसा तिस सुब बसेख बिच विश्वास करणा ना छड्डो जे मैं तुसा जो सुणाया थिया। पर जे अगर तुसा ने तिस बिच विश्वास करणा छड्डी दित्तेया तां तुसा रा मसीह बिच विश्वास करणा बेकार होई जाणा।

1 कुरुन्थियों 4:17

इधेरे तांइ मैं तीमुथियुस जो जे प्रभु बिच मेरा प्यारा अते भरोस्सेमंद पुत्तर सांई है, तुसा का भेज्जेया। तिन्ने तुसा जो दसणा कि इक्क मसीही मणू रे तौर पर मैं किय्यां जिन्दगी जिया करदा है, जदेया कि मैं हर इक्क जगाह् ते हर इक्क कलीसिया बिच दसदा भी।

1 कुरुन्थियों 7:17

ते जिय्यां परमेश्वर ने हर इक्क जो जिस तरिक्के री जिन्दगी जीणे रा वरदान दित्ते रा है ते अप्पु का सद्दे रा है, से तिस्सी हिसाब कने अपणी जिन्दगी जीण, ते मैं भी सारी कलीसियां जो ए ही बोलदा।

1 थिस्सलुनीकियों 1:6

अते बड़ी मुसीबतां रे बिच तुसा ने पवित्रात्मा का मिलणे वाली खुसी कने सुब बसेख जो अपणाया ते प्रभु अते असा सांई जिन्दगी जीणा लगे।

1 थिस्सलुनीकियों 3:6

पर तीमुथियुस अब्बे तुसा री जगाह् का असा का पूज्जे रा है। तिसने असा जो तुसा रे विश्वास ते प्यार रा सुब बसेख भी दित्तेया। तिसने असा जो ए भी दस्सेया कि तुसा असा जो बड़ा याद करदे ते असा कने मिलणा चाह्‍ंदे जिय्यां असी भी तुसा कने मिलणा चाह्‍ंदे।

2 थिस्सलुनीकियों 2:15

इधेरे तांइ ओ संगी विश्वासियों, विश्वास बिच मजबूत बणो ते जे गल्लां असा ने तुसा जो चीठ्ठी या आमणे-सामणे सिखाए री हिन तिन्हा जो मनणा मत छडदे।

2 थिस्सलुनीकियों 3:6

ओ संगी विश्वासियों, असी तुसा जो तिस अधिकार कने हुकम दिंदे जे असा जो प्रभु यीशु मसीह ने दित्ते रा है कि तुसा हर इक्क जणा इदेय विश्वासी का दुर रेयो जे आलस बिच जिन्दगी बितांदे ते जे तिस शिक्षा रे हिसाब कने नी चलदे जे असा ने तुसा जो सिखाए री है।