1 कुरुन्थियों 11:19 - चम्बयाली नौआ नियम

¹⁹ हालांकि फूट री वजह कने तुसा बखरे होई गेरे हिन इधेरे तांइ जे मणू सच्चाई कने हिन से असानी कने पहचाणे जाणे।

1 कुरुन्थियों 11:19 ပူးပေါင်းရင်းမြစ်များ

1 यूहन्ना 2:19

मसीह रा विरोध करणे वाले मणू असा री कलीसिया बिच का निकली करी चली गे, पर से असा रे अपणे नी थिये। किजोकी जे अगर से असा रे अपणे हुंदे तां तिन्हा ने असा कने रैहन्दे, पर से मणू निकली गे जिस कने ए साबित होई गेया कि से सारे कदी असा रे अपणे नी थिये।

तीतुस 3:10

जे मणू कलीसिया बिच फूट पांदे तिन्हा जो इक्क-दो वरी समझाई देयो कि से इय्यां करणा बांद्द करी दैण। जे अगर से तां भी ना मन्ने तां तिन्हा का अलग रेयो।

प्रेरितां रे कम्म 20:30

तुसा बिच मझाटे बिच इदेय-इदेय मणू आई जाणे जिन्हा ने चेल्‍लेयां जो भी भटकाई दैणे तांइ पुठ्ठी-सीद्दी गल्लां बोलणी।

लूका 17:1

यीशु ने अपणे चेल्‍लेयां जो बोल्लया, जिन्हा गल्लां कने मणूआं जो ठोकर लगदी से गल्लां तां होणी ही हिन, पर लाणत है तिस मणू पर जिसेरी वजह कने से ठोकर आन्दी

मत्ती 18:7

अड़चणा री वजहा कने दुनिया पर लाणत है! रुकावट तां आणी ही हिन, पर लाणत तिस मणू पर जिसेरी वजह कने आंदी।

गलातियों 5:20

मूर्तां री पूजा करणा, जादू-टोणा करणा, दुश्मणी रखणा, लड़ाई-झगड़े करणा, हिरस, लैह्र, मतलबीपन, दूज्जे रे खिलाफ सोच, फूट पाणा, गुटबंदी करणा,

प्रेरितां रे कम्म 28:22

पर तेरा कै विचार है? सेह्ई असी तेरे का सुनणा चाह्‍ंदे, किजोकी असा जो पता है कि हर जगाह् इस गल्ल रे खिलाफ मणू गल्लां करदे

प्रेरितां रे कम्म 26:5

अगर से गवाई दैणा चाण, तां जवानी का ही मेरे जो जाणदे कि मैं फरीसी होई करी अपणे धर्म रे सबणी का बदिया पंथ रे हिसाब कने चलेया।

प्रेरितां रे कम्म 24:14

पर मैं तेरे सामणे ए मन्नी लिन्दा कि जिस पंथ जो यहूदी अधिकारी कुपंथ बोलदे, तिसेरे ही नियम पर मैं अपणे पूरखां रे परमेश्वर री भक्ति करदा अते जे गल्लां मूसा रे कानून ते भविष्यद्वक्ता करणे वालेयां री कताबां अन्दर लिख्खे री हिन, तिन्हा सबणी पर विश्वास करदा।

प्रेरितां रे कम्म 24:5

किजोकी असा ने इस मणू जो उधमी ते दुनिया रे सारे यहूदियां बिच दंगा कराणे वाला, ते नासरत अन्दर रैह्णे वालेयां रे कुपंथ रा प्रधान पाए रा है।

प्रेरितां रे कम्म 15:5

पर फरीसियां रे दल रे किच्‍छ लोक्कां ने उठी करी बोल्लेया, कि गैर यहूदियां जो खतना ते मूसा रे कानून जो मनणे रा हुकम दैणा चाएदा।

प्रेरितां रे कम्म 5:17

तां प्रधान पुरोत्त ते तिसेरे सारे साथी जे सदूकियां रे पथं का थिये, हिर्स कने भरी गे।

लूका 2:35

इस कने मते लोक्कां री दिल री लुके री गल्लां सामणे आई जाणी, ते लोक्कां ने तिस कने इन्नी क्रूर चीजां करणी कि से दिख्खी करी तुसा जो इन्नी तकलीफ होणी कि जिय्यां तुसा रे दिल बिच तलवार खूबी गे री हो।

1 कुरुन्थियों 11:20

जां तुसा असा रे प्रभु यीशु मसीह री कुर्बानी जो चेत्ता करणे तांइ कठिदें तां तुसा जो इस गल्ल रा कोई लिहाज नी हुंदा कि तुसा किय्यां प्रभु-भोज खाणा चाएदा।

2 कुरुन्थियों 12:20

किजोकी मेरे जो डर है, कि कुते इय्यां ना होई जाए कि जां मैं तुसा का आं, तां जदेया मैं चाह्‍ंदा, तुसा तदेय ना होण, ते तुसा भी मेरे जो तदेया ना पाओ जदेया तुसा मेरे जो चाह्‍ंदे। ते मेरे जो डर है कि तिसेरी वजह कने तुसा बिच लड़ाई, हिरस, गुस्सा, विरोध, मतलबीपन, चुगली, घमण्ड, धोखा-धड़ी ते बखेड़े होई जाणे।