1 कुरुन्थियों 11:17 - चम्बयाली नौआ नियम

¹⁷ मैं तुसा जो ए बोलणा चाह्‍ंदा कि इस मामले बिच मेरे जो तुसा री गल्ल पसंद नी आई किजोकी तुसा रे कठीणे कने फायदा नी पर सिर्फ नुक्सान ही हुंदा।

1 कुरुन्थियों 11:17 ပူးပေါင်းရင်းမြစ်များ

रोमियों 13:3

किजोकी जे अगर कोई मणू खरा कम्म करेया करदा हो, तां तिज्जो अपणे अधिकारी का डरणे री जरुरत नी है। पर जे अगर कोई मणू गलत कम्म करेया करदा हो तां तिसजो अपणे अधिकारी का डरणे री जरुरत है। इधेरे तांइ ठीक कम्म कर तां तुसा रे अधिकारियां ने तुसा री तारिफ करणी।

1 कुरुन्थियों 11:2

मैं तुसा री तारिफ करदा की तुसा सब गल्लां बिच मेरे जो याद रखदे, ते जे शिक्षा मैं तुसा जो मनणे तांइ दित्ते री हिन तुसा तिसजो मनदे।

1 कुरुन्थियों 11:20

जां तुसा असा रे प्रभु यीशु मसीह री कुर्बानी जो चेत्ता करणे तांइ कठिदें तां तुसा जो इस गल्ल रा कोई लिहाज नी हुंदा कि तुसा किय्यां प्रभु-भोज खाणा चाएदा।

1 कुरुन्थियों 11:22

तुसा अपणे घरे बिच भी खाई-पी सकदे। तुसा इय्यां समजदे कि परमेश्वर री कलीसिया री कोई अहमीयत नी है, ते तुसा कलीसिया रे गरीब लोक्कां जो शर्मिदां करदे। मैं तुसा जो कै बोल्लां? कै इस गल्ल तांइ मैं तुसा री तारिफ करां? ना! मैं इस गल्ल तांइ तुसा री तारिफ नी करदा।

1 कुरुन्थियों 11:34

जे अगर कोई भूख्खा हो तां अपणे घरे ही खाई लेया करे जिस कने जां तुसा कठियो तां तुसा चज्ज कने बर्ताव करेया करो ते परमेश्वर तुसा जो सजा ना दैण। बाकि गल्लां जो मैं आई करी सुलझाई दिंगा। मते तरिक्के रे हिन।

1 कुरुन्थियों 14:23

ते जे अगर कलीसिया इक्क जगाह् कठ्ठी री हो ते सारे रे सारे विश्वासी बखरी-बखरी भाषा बोलदे होण, ते बाहर वाले मणू या मसीह बिच विश्वास ना करणे वाले मणू तित्ते आई जाण तां तिन्हा ने तुसा जो पागल समझणा।

1 कुरुन्थियों 14:26

ओ संगी विश्वासियों, मैं तुसा जो दसदा कि ए सारा किच्‍छ किय्यां करणा चाएदा, जां तुसा अराधना करणे तांइ कठ्ठिंदे, तां हर इक्क रे मन बिच भजन या उपदेस या बखरी-बखरी भाषां या परमेश्वर रा प्रकाशन या बखरी-बखरी भाषां रा मतलब दसणा, मसीह बिच विश्वासियां रे विश्वास जो मजबूत करणे तांइ होणा चाएदा।

इब्रानियों 10:25

ते इक्क-दूए कने संगती रखणा ना छड्डे, जिय्यां की मते जणेया ने संगती रखणा छड्डी भी दित्ते रा है, पर इक्क-दूए जो प्रोत्साहन दिंदे रैह्णा चाएदा। ते जिय्या-जिय्यां तुसा परमेश्वर रा हटणे रे समय जो नेड़े आया करदा है, तिय्यां-तिय्यां इक्क-दूए जो जादा का जादा प्रोत्साहन देया करो।

1 पतरस 2:14

राज्यपाल रे कहे मुताबिक भी चलो, किजोकी मुख्य अधिकारी तिसेरे जरिये ही तिन्हा लोक्कां जो सजा दिंदा जिन्हेरे कम्म बुरे हिन, ते तिन्हा लोक्कां री तारिफ भी करदा जिन्हेरे कम्म भलाई रे हिन।