1 कुरुन्थियों 11:16 - चम्बयाली नौआ नियम

¹⁶ पर जे अगर कोई सोचदा कि मैं जे बोल्लेया करदा है से गलत है तां से ए जाणी लै कि असी ते परमेश्वर री हर कलीसिया ए सारी चीजां मनदे।

1 कुरुन्थियों 11:16 ပူးပေါင်းရင်းမြစ်များ

प्रेरितां रे कम्म 21:21

उन्हा जो तेरे बारे अन्दर सिखाये रा थिया कि तू गैर यहूदी रे बिच रैह्णे वाले यहूदियां जो मूसा का हटी जाणे रे बारे अन्दर सखाया करदा है, ते बोल्लेया करदा है कि, नां तां अपणे निके-निक्केयां रा खतना कराओ ते नां ही रीति-रीवाजां पर चलेया करो।

प्रेरितां रे कम्म 21:24

तिन्हा जो लेई करी तिन्हेरे कने अप्पु जो भी सुद्ध कर ते तिन्हेरे सिर मुंड़ाणे तांइ खरचा दे तां सबणी जो पता लगणा कि जे गल्लां तिन्हा जो तेरे बारे अन्दर दस्सी गेई, तिन्हा अन्दर कोई सच्चाई नी है पर, तू अप्पु भी मूसा रे कानून जो मन्नी करी तिसेरे हिसाब कने चलदा

1 कुरुन्थियों 11:15

पर जनानियां तांइ लम्बे बाल रखणा ता तिन्हेरे शोभा री गल्ल है, किजोकी तिसजो लम्बे बाल तिन्हेरी ओढ़णी तांइ दित्ते गेरे हिन। तिय्यां ही तिन्हा जो अराधना बिच सारेयां सामणे अपणा सिर ढकणा चाएदा।

1 कुरुन्थियों 16:1

अवे मैं तिस आर्थिक मदद रे बारे बिच जे परमेश्वर रे गरीब लोक्कां तांइ कठेरेया गेया थिया, जे हुकम गलातिया प्रदेश रे कलीसिया रे विश्वासियां जो दित्तेया थिया, तिय्यां ही तुसा भी करो!

1 कुरुन्थियों 4:5

इधेरे तांइ, पैल्ले ही कुसकी गल्ल रा हिसाब कताब मत करेया करो, बल्कि जां तांइ प्रभु नी आंदे तां तांइ रुकी रेयो। किजोकी तिन्हा ने लोक्कां री दिल री लुके री गल्लां रे बारे बिच साफ-साफ दसणा जिन्हा रे बारे बिच कोई नी जाणदा। तिन्हा ने लोक्कां रे दिल रे लुके रे इराद्देयां जो साफ-साफ ज़ाहिर करणा। तां फिरी परमेश्वर ने सारेयां री तारिफ करणी।

1 कुरुन्थियों 7:17

ते जिय्यां परमेश्वर ने हर इक्क जो जिस तरिक्के री जिन्दगी जीणे रा वरदान दित्ते रा है ते अप्पु का सद्दे रा है, से तिस्सी हिसाब कने अपणी जिन्दगी जीण, ते मैं भी सारी कलीसियां जो ए ही बोलदा।

1 कुरुन्थियों 9:1

मैं बिल्कुल अजाद है, मैं प्रेरित है, मैं यीशु जो जे असा रे प्रभु हिन, दिख्खे रा है, तुसा प्रभु बिच मेरे कित्ते रे कम्म रा प्रतिफल हिन जे प्रभु ने मेरे जो दित्तेया थिया।

1 कुरुन्थियों 9:6

असा जो भी बाकि प्रेरितां सांई आर्थिक मदद लैणे रा पुर हक है ताकि अपणी जरुरतां तांइ असा जो कम्म ना करणा पे।

1 थिस्सलुनीकियों 2:14

इस तांइ तुसां, ओ संगी विश्वासियों, परमेश्वर रे तिन्हा कलीसिया रे लोक्कां सांई जिन्दगी जीणा लगे जे यहूदियां प्रदेश बिच मसीह यीशु बिच हिन किजोकी तुसा भी अपणे ही प्रदेश रे लोक्कां का तैसा ही दुख पाया जदेया तिन्हा ने यहूदियां प्रदेश का पाया,