1 कुरुन्थियों 10:4 - चम्बयाली नौआ नियम

⁴ ते सबणा ने से ही पाणी भी पित्तेया जे परमेश्वर ने सप्पड़ बिच का दित्तेया थिया। ते से सप्पड़ मसीह यीशु री बराबरी बिच भी है जे तिन्हा लोक्कां कने तिन्हेरे सफर बिच कन्ने-कन्ने थी ते जिनिये तिन्हा जो जिन्दगी भी दित्ती।

1 कुरुन्थियों 10:4 ပူးပေါင်းရင်းမြစ်များ

यूहन्ना 4:10

यीशु ने जवाब दित्ता, जे तू परमेश्वर रे वरदान जो जाणदी जे से तिज्जो दैणा चाह्‍ंदे, कने ए भी नी जाणदी कि से कुण है जे तिज्जो बोलदा, मेरे जो पाणी पिया, तां तू तिसका मंगदी कने से तिज्जो जिन्दगी रा पाणी दिंदा।

यूहन्ना 4:14

पर जे कोई तिस पाणी बिच का पिन्गा, जे मैं तिसजो दैणा, तिसजो फिरी कदी भी प्यास नी लगणी पर जे पाणी मैं तिसजो दैणा, तिसेरा उस मणू अन्दर इक्क सोता बणी जाणा जे हमेसा तिकर रैह्णा।

यूहन्ना 7:37

त्योहर रे आखरी दिन पर, जे खास दिन है, यीशु खड़े होए ते हक्क मारी करी बोल्लेया, जे कोई प्यासा हो तां मेरे का आए ते पिए।

गलातियों 4:25

इस बेल्ले रे यरुशलेम रे मणू यहूदी रीति-रीवाजां जो मनणे री वजह कने गुलाम सांई हिन। से मणू हाजिरा सांई गुलाम हिन जे अरब देस रे सीने पहाड़ जो दर्शांदी।

कुलुस्सियों 2:17

किजोकी ए सारी गल्लां तां आणे वाली चीजां री परछाई थी, पर असलियत ता मसीह यीशु बिच मिलदी।

इब्रानियों 10:1

मूसा रा कानून, जे आणे वाली ठीक चीजां री परछाई है, पर से अप्पु ओ ठीक चीजां नी हिन, तिन्हा रीति रिवाज्‍जां रे हिसाब कने, से कुर्बानियां घड़ी-घड़ी मते साल्लां तिकर चढाई गयी, पर से अराधना करणे वाले लोक्कां जो तिन्हेरे पाप्पां का पूरे तरिक्के कने सुच्चा नी करी सकेया।

प्रकाशित वाक्य 22:17

पवित्रात्मा ते उरणू री नौई लाड़ी यीशु जो बोलदे, “तुसां रा आणा जरुरी है।” हर बसेख जो सुनणे वाले हर इक्क मणू जो बोलणा जरुरी है, “आ!” जे कोई भी प्यासा है से जरुर आए ते तिस पाणी जो अपणाए जिस कने मुफ्त बिच जिन्दगी मिलदी।