1 कुरुन्थियों 10:27 - चम्बयाली नौआ नियम

²⁷ जे अगर विश्वास नी करणे वालेयां बिच का कोई तुसा जो अपणे घरे सद्दो, ते तुसा तिन्हा का जाणा चाओ, तां जे किच्‍छ भी से मणू तुसा जो खाणे तांइ परोस्से से बिना सवाल कित्ते रे खाओ ते तुसा जो इस गल्ल तांइ बुरा ना लग्गो कि से मूर्तां जो चढ़ाए रा है या नी।

1 कुरुन्थियों 10:27 ပူးပေါင်းရင်းမြစ်များ

लूका 15:23

ते सबका बदिया धाम तैयार कित्ती जाए, किजोकी असा ने मेरे पुत्तर रे वापस हटणे री खुसी अन्दर धाम दैणी,

लूका 19:7

पर मणूआं जो ए गल्ल ठीक नी लग्गी, अते बुड़बुड़आणा लग्गी पेय अते बोलणा लग्गे से तां पाप्पी मणू रे उत्ते प्रोणा बणी करी तिसेरे घरे जो गेया

1 कुरुन्थियों 10:25

हालांकि जां तुसा कसाईयां री दुकान का मांस खरीददे तां अग्गे बधो ते तिसजो खाओ, ते तिन्हा का किच्‍छ ना पूच्छणे कने साफ रख्खो।

2 कुरुन्थियों 1:13

असी तुसा जो से ही लिखदे जे तुसा पढ़ी ते समजी सकदे। हालांकि अब्बे तुसा असा री गल्लां जो पूरे तरिक्के कने नी समजी पांदे, पर असा जो आस है कि तुसा असा री गल्लां जो पूरे तरिक्के कने समझणा। ताकि मसीह यीशु रे हटणे रे बेल्ले तुसा असा पर तिन्ना ही गर्व करी सको, जिन्ना असा जो तुसा पर है।

2 कुरुन्थियों 4:2

पर असा ने शरम रे ते गुप्त कम्मां जो छड्डी दित्तेया, अते न चलाकी कने चलदे, अते ना परमेश्वर रे वचन बिच हेराफेरी करदे, पर परमेश्वर रे सामणे असी सिर्फ सच बोलदे, ते असी लोक्कां रे विवेक बिच ए बिठाई दिंदे कि जे असी बोल्लेया करदे हिन से सच है।

2 कुरुन्थियों 5:11

इस तांइ परमेश्वर रा डर मन्नी करी असी लोक्कां जो छंदे करी के परमेश्वर रे सच पर विश्वास करणे तांइ समझांदे ते तिन्हेरे सामणे असा रा हाल प्रकट है, ते मेरे जो ए आस है की तुसा रे विवेक पर भी असा रा हाल प्रकट होया होणा।