1 कुरुन्थियों 10:20 - चम्बयाली नौआ नियम

²⁰ मैं ए बोलणे री कोसीस करेया करदा है कि जां मणू मूर्तां जो भेंट चढ़ांदे से परमेश्वर तांइ नी पर दुष्टात्मा तांइ भेंट चढ़ांदे। ते मैं नी चाह्‍ंदा कि तुसा दुष्टात्मां री अराधना करणे बिच हिस्सेदार बणो।

1 कुरुन्थियों 10:20 ပူးပေါင်းရင်းမြစ်များ

मत्ती 4:9

“जे तू मेरे अग्गे झुके अते मेरी अराधना करगा, तां मैं ए सारा किच्‍छ तिज्जो देई दैणा।”

2 कुरुन्थियों 4:4

शैतान, जे इस दुनिया रे लोक्कां रा शासक है, तिनिये मसीह यीशु बिच विश्वास ना करणे वाले लोक्कां री समझ जो मंद करी रख्खे रा है, ताकि से मणू सुब बसेख री महिमामय रौसनी जो नी दिख्खी सके। से मणू मसीह यीशु रे इस महिमा रे बसेख जो नी समजदे जे परमेश्वर रे प्रतीरुप हिन।

गलातियों 4:8

पैल्ले जां असी परमेश्वर जो नी जाणदे थिये तां तुसा तिन्हा जो ईश्वर मन्नी करी चलेया करदे थिये जे हकीकत बिच ईश्वर हिन ही नी।

प्रकाशित वाक्य 2:14

पर मेरे जो तेरे खिलाफ किच्‍छ गल्लां बोलणी हिन, किजोकी तुसा तिन्हा लोक्कां रा विरोध नी करदे जे झूठ्ठी शिक्षा सुणांदे जिय्यां कि भविष्यद्वक्ता बिलाम ने भी बड़े पैल्ले कित्तेया थिया। बिलाम ने बलाक राज्जा जो सिखाया कि किय्यां इस्राएल रे लोक्कां का पाप कराया जाए। तिनिये लोक्कां का अनैतिक जिन्दगी जीणे ते मूर्तां जो भेंट चढ़ाए री चीजां खाणे तांइ सिखाया।

प्रकाशित वाक्य 2:20

मेरे जो तेरे खिलाफ ए बोलणा है कि पैल्ले जमान्ने राणी ईज़ेबेल जदेई इक्क जनानी तुसा बिच-मझाट्टे है। से अप्पु जो भविष्यद्वक्तिणी बोलदी पर मेरे विश्वासियां जो झूठ्ठी शिक्षां सिखांदी। से लोक्कां जो ए खोठ्ठी गल्लां सिखाई करी भटकांदी कि हमेसा तिकर जीणे तांइ मूर्तां जो भेंट चढ़ाए री चीजां खाओ।

प्रकाशित वाक्य 9:20

बाकि मणूआं ने जे उन्हा बिमारियां कने नी मरे थिये, अपणे हत्थां रे कम्मां का तौबा नी कित्ती, कि दुष्टात्मा, अते सुन्ने चाँदी अते पीतल, अते पत्थरां, ते काठ री मूर्तां री पूजा ना करण, जे ना दिख्खी, ना सूणी, ना चली सकदी हिन।