1 कुरुन्थियों 10:17 - चम्बयाली नौआ नियम

¹⁷ इधेरे तांइ जां इक्क ही रोट्टी है जे मसीह हिन, तां असी भी जे मते हिन असी इक्क सरीर बणी जांदे किजोकी असी सब जणे तिस्सी इक्क रोट्टी बिच शामिल हुंदे।

1 कुरुन्थियों 10:17 ပူးပေါင်းရင်းမြစ်များ

रोमियों 12:5

तिय्यां ही असी विश्वासी मणू मिली करी मसीह यीशु रे जिस्म रा हिस्सा बणी गेरे हिन, ते असी आपस बिच इक्क-दूए कने जुड़े रे हिन।

1 कुरुन्थियों 10:21

ए मुमकिन नी है कि तुसा इक्क ही समय पर दुष्टात्मा जो चढ़ाए रे कुर्बानी बिच का भी खाओ-पीयो ते कन्ने-कन्ने प्रभु भोज बिच शामिल हो जे असा जो मसीह री मौत रा चेत्ता दुआंदा।

1 कुरुन्थियों 12:12

किजोकी जिय्यां असा रे इक्क जिस्म रे मते सारे अंग हिन, तिय्यां ही असी विश्वासी मणू मिली करी मसीह यीशु रे जिस्म रा हिस्सा बणी गेरे हिन, ते असी आपस बिच इक्क-दूए कने जुड़े रे हिन।

1 कुरुन्थियों 12:27

इस तरिक्के तुसा बिच का हर इक्क मिली करी मसीह यीशु रा सरीर हिन, ते तुसा बिच का हर इक्क तिन्हेरे बखरे-बखरे अंग हिन।

इफिसियों 3:6

ते से राज़ ए है कि मसीह यीशु रा सुब बसेख सुनणे ते तिन्हा कने रिस्ता बणने री वजह कने गैर यहूदी लोक्कां जो भी विरासत बिच हिस्सा मिलणा। से अवे मसीह रे सरीर रा इक्क हिस्सा बणी गेरे हिन जे कलीसिया है। ते तिन्हा सारी चीजां बिच तिन्हेरा हिस्सा भी है जिसेरा वादा परमेश्वर ने यहूदी लोक्कां कने कित्तेया थिया।

इफिसियों 4:16

असी सारे जणे जे मसीह यीशु बिच विश्वास करदे, तिन्हेरे सरीर रे हिस्से सांई हिन। जिय्यां कुसकी मणू रा सरीर जोड़ां री वजह इक्क गठ्ठ होई करी रैह्न्दा, ते जां सरीर रा हर इक्क हिस्सा सही तरिक्के कने कम्म करदा, तां सरीर बदधा ते मजबूत बणदा जांदा, तिय्यां ही जां असा बिच का हर इक्क जणा सही तरिक्के कने से कम्म करदा जे मसीह ने असा जो दित्ते रा है, तां असा ने भी ताकतवर, परिपक्व होणा ते इक्क-दूए कने प्यार करणा।

इफिसियों 4:25

इधेरे तांइ झूठ बोलणा छड्डी करी सब जणे अपणे संगी विश्वासी कने सच बोल्लेया करो, जिय्यां कि असी इक्क ही सरीर रे अंग हिन।

इफिसियों 4:4

असी इक्क ही सरीर रे हिस्से हिन, ते असा जो इक्क ही पवित्रात्मा भी मिल्ले रा है, से आस भी इक्क ही है जिस बिच तुसा जो परमेश्वर रे मणू बणने तांइ चुणेया गेया थिया।

कुलुस्सियों 2:19

तिन्हा ने मसीह जो छड्डी दित्ते रा है, जे सरीर रूपी कलीसिया रे सिर सांई हिन। किजोकी से ही पूरे सरीर जो अप्पु-मिते तिसेरे जोड़ ते नसां कने जोड़ी करी रखदे, ते से तिय्यां ही बदधे रैहन्दे जिय्यां परमेश्वर चाह्‍ंदे।

कुलुस्सियों 3:11

जिसेरा अंजाम ए होया कि तिस बिच कोई यूनानी, यहूदी, खतना वाले, बगैर खतना वाले, विदेशी, नौक्कर ते अजाद मणूआं बिच कोई फरक नी रेया, पर सिर्फ मसीह यीशु ही सारेयां बिच सबका जादा जरुरी हिन ते तुसा तिन्हेरे हिसाब कने जिन्दगी जियो।

कुलुस्सियों 3:15

अप्पु जो तिस सांती रे वस बिच करी देयो जे मसीह का मिलदी, किजोकी तुसा सारे ही इक्क ही सरीर रे हिस्सा हिन ते तुसा सारे इक्क-दूए कने सांती कने रैह्णे तांइ सद्दे गेरे हिन।