1 कुरुन्थियों 10:16 - चम्बयाली नौआ नियम

¹⁶ जां असी प्रभु-भोज बिच तिस कटोरे बिच का पिंदे, ते जां रोट्टी बिच का खांदे ते जिसेरे तांइ असी परमेश्वर रा भी शुक्रिया करदे तां असी हकीकत बिच मसीह पर होए रे जुल्म ते तिन्हेरी कुर्बानी जो याद करदे। ए तिन्हा आशीषां रा हिस्सा बणने री निशानी है जे असा जो मसीह सरीर रा हिस्सा बणने री वजह कने मिलदी।

1 कुरुन्थियों 10:16 ပူးပေါင်းရင်းမြစ်များ

लूका 22:17

फिरी यीशु ने अंगूर रे रास्स रा कटोरा लित्तेया अते परमेश्वर रा सुक्र कित्ता अते अपणे चेल्‍लेयां जो बोल्लेया, कि इसजो अप्पु-मिते बंड्डी लेयो।

प्रेरितां रे कम्म 2:42

ते से प्रेरितां का शिक्षा पाणे, ते सगंती रखणे, ते प्रभु भोज मनाणे, ते प्रार्थना करणे बिच मगन रे।

प्रेरितां रे कम्म 2:46

से हर रोज इक्क मन होई करी मन्दिर बिच कठिदें थिये, ते घर-घर रोट्टी तोड़दे होए खुसी ते मन रे सिद्देपन कने भोजन करेया करदे थिये,

प्रेरितां रे कम्म 20:11

फिरी उप्पर जाई करी प्रभु भोज मनाणे लग्गे ते इतणी देर तांइ तिन्हा कने गल्लां करदा रेया कि भ्याग होई गई। फिरी पौलुस चली गेया।

प्रेरितां रे कम्म 20:7

हफ्ते रे पैल्ले रोज्जे, जां असी प्रभु भोज मनाणे तांइ कठिये, तां पौलुस ने, जे दूए रोज्जे जाणे वाला थिया, तिन्हा कने गल्लां कित्तियां अते अद्दी रात्ती तांइ गल्लां करदा रेया

1 कुरुन्थियों 1:9

परमेश्वर अपणी हर इक्क गल्ल बिच भरोस्सेमंद हिन, ते तिन्हा ने अपणे पुत्तर प्रभु यीशु मसीह कने तुसा रा रिस्ता जोड़णे तांइ सद्दे रा है।

1 कुरुन्थियों 10:15

मैं तुसा जो समजदार मन्नी करी बोलदा, जे गल्ल मैं बोल्लेया करदा है तिन्हा गल्लां जो तुसा परखी करी दिख्खो कि से सही हिन या गलत हिन।

1 कुरुन्थियों 12:13

तिय्यां ही असी सारे जणे चाए यहूदी या गैर यहूदी, चाए गुलाम हो या अजाद, असी सारेयां रा इक्क ही सरीर बिच इक्क बणी जाणे तांइ तिस ही आत्‍मा रे जरिये बपतिस्मा होए रा है ते असी सारेयां ने इक्क ही आत्‍मा पाए रा है।

इब्रानियों 3:14

जे अगर असी परमेश्वर बिच विश्वास करणे अंदर आखिर तिकर तिय्यां ही मजबूत बणे रे, जां तिस बेल्ले थिये जा असी पैल्ली वरी तिन्हा बिच विश्वास कित्तेया थिया, तां असा जो मसीह री हर चीज बिच हिस्सा मिलणा।

1 यूहन्ना 1:3

असा ने तिसजो दिख्खेया अते सूणेया है अवे तुसा जो भी यीशु का सुब बसेख देया करदे हिन ताकि तुसा भी असा रे कने साझी होई जाओ असा रा ए सांझा परम पिता परमेश्वर अते उन्हेरे पुत्तर मसीह यीशु कने है।

1 यूहन्ना 1:7

पर जिय्यां परमेश्वर रौसनी बिच हिन जे अगर असी भी तिय्यां ही रौसनी बिच जिन्दगी बिताण ते असी परमेश्वर कने अप्पु मिते इक्क-दूए कने मेल-मिलाप रखगे, ते तां मसीह यीशु रे खून ने असा रे पाप्पां का साफ करणा।