1 कुरुन्थियों 10:12 - चम्बयाली नौआ नियम

¹² इधेरे तांइ जे विश्वासी ए दावा करदा कि से विश्वास बिच पक्का है, से चुकन्ना रेयो कि कुदखी तिस्सी तरिक्के रे पाप बिच ना पेई जाओ।

1 कुरुन्थियों 10:12 ပူးပေါင်းရင်းမြစ်များ

लूका 8:18

इधेरे तांइ चुकन्ने रेयो कि तुसा कुस हिसाब कने सूणदे? किजोकी जिस का है तिसजो होर भी दित्तेया जाणा ते जिस का नी है, तिसका से भी लेई लित्ता जाणा जिस जो से अपणा समजदा

रोमियों 11:20

ए गल्ल सच है कि से तां विश्वास नी होणे री वजह कने कट्टी गयी, पर तू इधेरे तांइ घमंडी मत हो कि विश्वास बिच बणी रैहन्दा, पर डर रख्खेया कर।

1 कुरुन्थियों 8:2

तुसा इय्यां समजदे कि तुसा किच्‍छ जाणदे, पर हल्ले तांइ तुसा इस तरिक्के कने नी जाणदे जिस तरिक्के तुसा जो जाणदा चाएदा।

कुलुस्सियों 2:8

चुकन्ने रेयो की कोई तुसा जो अपणी तिन्हा विचारां ते बेकार गल्लां ते धोखे कने फसाई ना लेयो, जे लोक्कां री परम्परा ते दुनियावी रीति-रीवाज जे सदियां का चली आया करदी हिन, ते इस दुनिया री न्याहरे री ताकत पर आधारित है, पर मसीह यीशु री शिक्षा पर आधारित नी है।

2 पतरस 3:17

तुसा जो पैल्ले का पता है कि ए सब चीजां होणे वाली हिन। इधेरे तांइ चुकन्ने रेयो, किजोकी जे मणू कानूनां जो नी मनदे तिन्हा ने तुसा कने झूठ बोल्ली-बोल्ली करी तुसा जो भटकाई दैणा। तुसा ने तिस ही गल्ल पर शक करणा सुरु करी दैणा जिस पर तुसा इक्क समय पर पक्का विश्वास करदे थिये।