1 कुरुन्थियों 10:11 - चम्बयाली नौआ नियम

¹¹ पर ए सब गल्लां जे तिन्हा कने होई थी, असा लोक्कां जो चितौणी दैणे तांइ लिख्खी गे री हिन जे इन्हा आखरी दिनां बिच रैह्‍न्दे।

1 कुरुन्थियों 10:11 ပူးပေါင်းရင်းမြစ်များ

मत्ती 13:39

अते जिस दुश्मण ने तिन्हा जो बाया थिया से शैतान है, कणक री बाड्डी दुनिया रे अंत जो दर्शांदी, कणक बडणे वाले स्वर्गदूत हिन।

मत्ती 13:40

जिय्यां जंगली घा कठ्ठेरी करी आग्ग बिच फुक्की दित्ती, तिय्यां ही दुनिया रे अंत भी होणा।

रोमियों 13:11

तुसा बिच का हर इक्क जणे जो इक्क दूए कने प्यार करदे रैह्णा चाएदा, किजोकी से समय आई गे रा है जां परमेश्वर ने असा जो इस दुष्ट दुनिया का बचाई लैणा। असा रे मसीह बिच विश्वास करणे रे तिस बेल्ले का अवे ए छुटकारे रा समय अवे होर भी तौले पुजणे वाला, असा जो इस गल्ल जो समजी करी असा जो चुकन्ने ते होशियार रैह्णा जरुरी है।

रोमियों 13:12

असा रा इस बुरी दुनिया बिच रैह्णे रा समय तिय्यां ही मुकणे वाला है जिय्यां कि रात मुकणे वाली हुंदी। मसीह यीशु रे हटणे रे समय बड़ा नेड़े है। इधेरे तांइ असा जो न्याहरे रे कम्मां जदेय तिन्हा बुरे कम्म करणा छड्डी दैणे चाएदे, जे कम्म इस दुनिया रे मणू करदे, ते असा जो रौसनी रे ठीक कम्मां जदेय हथियार बन्नी लैणे चाएदे।

रोमियों 15:4

जिन्नी गल्लां पैल्ले पवित्रशास्त्र बिच लिख्खी गे री हिन, से असा जो शिक्षा दैणे तांइ ही लिख्खी गे री हिन, कि असी सबर ते पवित्रशास्त्र का मिलणे वाले प्रोत्साहन कने ए आस बणाई रखण, कि परमेश्वर ने वादा कित्ते रा है तिसजो तिन्हा ने पूरा करणा।

रोमियों 4:23

ते ए वचन, “अब्राहम ने परमेश्वर रे वादे पर विश्वास कित्ता ते परमेश्वर ने तिन्हा जो इस तांइ धार्मिक ठैहराया,” सिर्फ तिन्हा तांइ ही नी लिख्खेया गेया,

1 कुरुन्थियों 10:6

ए गल्लां असा तांइ चितौणी ठैहरी कि जिय्यां तिन्हा ने लालच कित्तेया, तिय्यां असी भी बुरी चीजां रा लालच ना करण।

1 कुरुन्थियों 7:29

ओ संगी विश्वासियों, मैं ए बोलदा कि असा का इस दुनिया बिच जादा समय नी है, इधेरे तांइ जरुरी है कि से ब्याह होणे रे बावजूद भी परमेश्वर री सेवा इय्यां करण कि जिय्यां से हल्ले भी कुंवारे हिन।

1 कुरुन्थियों 9:10

ए खासतौर पर असा तांइ बोलदा। हाँ, ए असा तांइ ही लिख्खे गे रा है, किजोकी ए जरुरी है कि जोतणे वाला उम्मीद कने जोत्तो अते दाँवने वाला तिस फसल बिच हिस्सा मिलणे री आस कने दाँवनी करो।

गलातियों 4:24

ए दो जनानियां परमेश्वर रे दो वाचा रा इक्क उदारण सांई हिन। हाजिरा परमेश्वर रे तिस वादे सांई है जे तिन्हा ने इस्राएल रे लोक्कां कने सीने पहाड़ पर कित्तेया थिया। से वाचा लोक्कां जो गुलाम सांई बणाई दिंदी।

फिलिप्पियों 4:5

तुसा रा कौमल स्वभाव सारे लोक्कां पर प्रकट हो। मसीह यीशु रे हटणे रा दिन नेड़े है।

इब्रानियों 10:25

ते इक्क-दूए कने संगती रखणा ना छड्डे, जिय्यां की मते जणेया ने संगती रखणा छड्डी भी दित्ते रा है, पर इक्क-दूए जो प्रोत्साहन दिंदे रैह्णा चाएदा। ते जिय्या-जिय्यां तुसा परमेश्वर रा हटणे रे समय जो नेड़े आया करदा है, तिय्यां-तिय्यां इक्क-दूए जो जादा का जादा प्रोत्साहन देया करो।

इब्रानियों 10:37

किजोकी पवित्रशास्त्र बिच मसीह यीशु रे बारे बिच लिख्खे रा है, “अवे बड़ा ही घट वक्त रेई गे रा है, कि मसीह यीशु ने बड़े तौले हटी आणा, ते तिन्हा ने देर नी करणी।”

1 यूहन्ना 2:18

ओ बच्चेयों, मसीह रे हटी आणे रा बेल्ला नेड़े है ते जिय्यां तुसा सुणे रा है कि मसीह यीशु रा विरोधी आणे वाला है, तिसेरे हिसाब कने अब्बे भी मते सारे मसीह यीशु रा विरोध करणे वाले खड़ी गेरे हिन, इस कने असा जो पता चलदा कि ए आखरी समय है।