1 कुरुन्थियों 1:9 - चम्बयाली नौआ नियम9 परमेश्वर अपणी हर इक्क गल्ल बिच भरोस्सेमंद हिन, ते तिन्हा ने अपणे पुत्तर प्रभु यीशु मसीह कने तुसा रा रिस्ता जोड़णे तांइ सद्दे रा है। အခန်းကိုကြည့်ပါ။ |
1 कुरुन्थियों 1:9
43 ပူးပေါင်းရင်းမြစ်များ
इस्राएल देस रे मणू जैतून रे बूट्टे री डालियां सांई हिन। ते तिन्हेरी जड़ तिन्हेरे पुरखा अब्राहम, इसहाक ते याकूब हिन। ते जे अगर किच्छ डालियां तिस बिच का कट्टी भी दित्ती गयी हो, ते अगर तू इक्क जंगली बूट्टे री डाली होणे रे बावजूद भी तिन्हा बिच साट्टेया गेया हो, तां जिय्यां कोई साट्टे रे डाली तिस बूट्टे री चिकनेपन री हिस्सेदार बणदी, तिय्यां ही तू भी यहूदियां जो मिलणे वाली तिन्हा आशीषां रा हिस्सेदार बणेया, जिसेरा वादा परमेश्वर ने अब्राहम कने कित्तेया थिया।
पर तां परमेश्वर अपणे पुत्तर जो मेरे पर प्रकट करणे जो खुस होए, ताकि मैं यीशु रे बारे बिच सुब बसेख रा प्रचार करां। परमेश्वर ने ही मेरे जो मेरे पैदा होणे का पैल्ले ही चुणेया, ते अपणे अनुग्रह कने मेरे जो अपणी सेवा करणे तांइ सद्दी लित्तेया। यीशु रे अप्पु जो मेरे पर ज़ाहिर करणे का बाद, ना ता मैं कुसकी का सलाह मंगणे तांइ गेया, ते ना ही मैं यरुशलेम बिच मेरे का पैल्ले वाले प्रेरितां का गेया। पर मैं अरब देस जो गेया, ते बाद बिच तित्ते का दमिश्क सहर जो हटी आया।
परमेश्वर ने असा जो छुटकारा दित्तेया ते असा जो इक्क पवित्र जिन्दगी जीणे तांइ सद्दे रा है। तिन्हा ने असा जो इधेरे तांइ नी चुणेया कि असी कोई भलाई रे कम्म कित्ते थिये, पर तिन्हा ने असा जो अपणे मकसद ते अनुग्रह री वजह कने चुणेया। परमेश्वर ने मसीह यीशु जो धरती पर भेजणे रे जरिये असा जो अपणा अनुग्रह दिखाणे रा मकसद इस दुनिया जो बणाणे का पैल्ले ही करी लित्तेया थिया।
परमेश्वर जे पूरे तरिक्के कने अनुग्रह कने भरित्ते रे हिन, तिन्हा ने असा रा मसीह कने रिस्ता होणे री वजह कने अपणी हमेसा तिकर रैह्णी वाली महिमा बिच हिस्सेदार बणने तांइ सद्दे रा है। तुसा रे थोड़े समय तिकर जुल्म सैह्णे का बाद परमेश्वर ने तुसा जो खरा मणू बनाणा ताकि तुसा बिच कोई खोट ना रे ते तिन्हा ने तुसा रे दिल जो मजबूत बनाणा ताकि तुसा तिन्हा बिच विश्वास करणे बिच मजबूत बणो।
ကြော်ငြာတွေ