1 कुरुन्थियों 1:26 - चम्बयाली नौआ नियम

²⁶ ओ संगी विश्वासियों, इसका पैल्ले कि परमेश्वर ने तुसा जो अपणे मणू बणने तांइ सद्देया थिया, जरा सोच्चो कि तुसा तिस बेल्ले कदेय थिये। इन्सानी तौर पर ता तुसा बिच जादातर मणू ना ता बड़े ज्ञानी थिये, ते ना ही ताकतवर थिये ते ना ही तुसा कुसकी बड्डे ‍खानदान का थिये।

1 कुरुन्थियों 1:26 ပူးပေါင်းရင်းမြစ်များ

लूका 1:3

मैं भी इन्हा गल्लां रे बारे बिच ठीक तरिक्के कने जांच-पड़ताल कित्ते री है, ते मेरे जो ए ही खरा लग्गेया कि मैं ए सारी गल्लां तुसा जो क्रमनुसार लिख्खी करी भेज्जी देयां।

लूका 10:21

तिस ही बेल्ले यीशु पवित्रात्मा बिच मगन होई करी बड़े खुस होये ते बोलणा लगे, ओ मेरे पिता जी, तुसा आसमान ते जमीन रे प्रभु हिन, मैं तुसा रा बड़ा शुकर करदा, कि तुसा ने इन्हा गल्लां जो उन्हा मणूआं का दुर रखेया जे अप्पु जो बड़े भरी ज्ञानी ते चलाक मन्दे, ते इन्हा बच्चेयां जो सेह्ई गल्लां दस्सी दित्तीयां, हाँ, मेरे पिता जी, तुसा जो इय्यां करणा ही खरा लग्गेया।

प्रेरितां रे कम्म 13:12

तां हाकिम ने जे किच्‍छ होया थिया, दिख्खी करी अते प्रभु री उपदेस का हैरान होई करी मसीह यीशु बिच विश्वास कित्तेया।

प्रेरितां रे कम्म 13:7

हाकिम सिरगियुस शाऊल रा मित्तर थिया, जे समजदार मणू थिया, तिसने बरनबास ते पौलुस जो अपणे का सद्देया ते तिन्हा का परमेश्वर रा वचन सुनणा चाया।

प्रेरितां रे कम्म 17:34

पर केई मणू तिस कने मिल्ली गे, ते मसीह यीशु पर विश्वास कित्तेया, जिन्हा बिच का दियुनुसियुस अरियुपगी थिया, ते दमरिस नां री इक्क जनानी थी, ते तिन्हा कने होर भी किच्‍छ मणू थिये।

रोमियों 11:29

किजोकी परमेश्वर अपणे दित्ते रे वरदान ते बुलाहट का कदी नी बदलदे।

1 कुरुन्थियों 1:20

तां फिरी अवे असी समजदार मणूआं रे बारे बिच कै बोल्ली सकदे? अवे असी यहूदी नियमां रे शास्त्रियां रे बारे बिच कै बोल्ली सकदे? ते अवे असी तिन्हा लोक्कां रे बारे बिच कै बोल्ली सकदे जे गल्ल-बात करणे बिच बड़े तेज हिन? परमेश्वर ने ए ज़ाहिर जताई दित्तां कि इस दुनिया री समझ रा कोई मुल्ल नी है।

1 कुरुन्थियों 2:13

हर इक्क गल्ल जे असी बोलदे से असा जो इन्सान कने नी बल्कि परमेश्वर रे आत्‍मा रे जरिये सिखाया गे रा है। ते से ही आत्‍मा आत्मिक लोक्कां जो आत्मिक गल्लां सिखाणे तांइ असा री मदद करदा।

1 कुरुन्थियों 2:8

परमेश्वर री योजना रे तिस ज्ञान जो इस जुग रे प्रधान लोक्कां बिच का कुसकी ने भी नी समजेया थिया। जे अगर से समजी गेरे हुंदे तां महिमा रे प्रभु मसीह यीशु जो सुली पर नी चढ़ांदे।

फिलिप्पियों 4:22

सारे परमेश्वर रे लोक्कां जो, खासतौर पर जे मणू सम्राट रे घराने का विश्वास बिच आए रे हिन, तिन्हा जो नमस्ते बोल्लेयो।

याकूब 2:5

ओ मेरे प्यारे संगी विश्वासियों, ध्यान देयो, परमेश्वर ने इस दुनिया रे गरीब लोक्कां जो मता विश्वास दित्ते रा है ते से अपणे राज रा हिस्सा तिन्हा सारे लोक्कां जो दैणे रा वादा कित्ते रा है जे परमेश्वर कने प्यार करदे।

2 यूहन्ना 1:1

मैं यूहन्ना, जे कलीसिया रा बुजुर्ग है, तिस जनानी जो जिस जो परमेश्वर ने चुणे रा है ते तिसेरे बच्चेयां जो ए चीठ्ठी लिख्खेया करदा है। मैं तिन्हा कने प्यार करदा, बल्कि सिर्फ मैं ही नी पर सारे तिन्हा कने प्यार करदे किजोकी असी सारे परमेश्वर री सच्चाई बिच विश्वास करदे।