1 कुरुन्थियों 1:25 - चम्बयाली नौआ नियम

²⁵ किजोकी जे गल्ल परमेश्वर री बेवकूफी जदेई लगदी, से मणूआं रे ज्ञान का भी जादा बधी करी ज्ञानवान है, ते जे चीज परमेश्वर री कमजोरी जदेया लगदी, से मणूआं री ताकत का भी जादा बधी करी है।

1 कुरुन्थियों 1:25 ပူးပေါင်းရင်းမြစ်များ

1 कुरुन्थियों 1:18

जां मणू मसीह रे सुली पर मरणे रा बसेख सूणदे, तिन्हा बिच का किच्‍छ मणू ए सोचदे कि ए बसेख बेवकूफी भरा है। जे मणू इय्यां सोचदे से ओ मणू हिन जे नरक बिच पाए जाणे। पर असी मणू जे तिस बसेख पर विश्वास करदे, ए परमेश्वर रा अपणे लोक्कां जो अपणी ताकत कने बचाणे रा रस्ता है।

1 कुरुन्थियों 1:21

जां परमेश्वर ने अपणे ज्ञान कने ए समजी लेया कि दुनिया ने तिन्हा जो कदी अपणी इन्सानी समझ कने नी दिख्खी सकणा, तां तिन्हा ने असा रे सुब बसेख रे प्रचार जो इस्तेमाल कित्तेया ताकि विश्वास करणे वाले मणूआं जो बचाए जिस जो कई मणू बेवकूफी समजदे।

1 कुरुन्थियों 2:14

पर कोई अविश्वासी मणू परमेश्वर रे आत्‍मा री शिक्षां जो नी अपणांदा, किजोकी से शिक्षां तिसेरी नजरां बिच बेवकूफी री गल्लां हिन, अते ना ही से मणू सही या गलत गल्लां बिच फैसला नी लेई पांदे। किजोकी से मणू आत्मिक गल्लां जो सिर्फ तां ही समजी सकदे जे अगर तिन्हा का पवित्रात्मा हो।

1 कुरुन्थियों 4:10

मणू असा जो बेवकूफ समजदे किजोकी असी मसीह यीशु रे बारे बिच प्रचार करदे, पर तुसा जो इय्यां लगदा कि तुसा बड़े वरी समजदार विश्वासी हिन। मते लोक्कां जो लगदा कि असा का कोई हक नी है, पर तुसा बड़े घमंड कने बोलदे कि तुसा जो परमेश्वर का हक मिल्ले रा है। मणू असा री इज्जत नी करदे, पर से तुसा री बड़ी इज्जत करदे।

2 कुरुन्थियों 13:4

मसीह यीशु सरीर री कमजोरी बिच सुली पर चढाई करी मारे गे, ते अवे परमेश्वर री ताकत रे जरिये जिया करदे हिन, तिस्सी तरिक्के कने असी भी मसीह यीशु सांई सरीर रे तौर पर कमजोर हिन, पर असी परमेश्वर री ताकत कने तुसा रे मामलेयां जो निपटाणे तांइ, मसीह यीशु कने जीणा।