1 कुरुन्थियों 1:24 - चम्बयाली नौआ नियम

²⁴ पर से मणू जिन्हा जो परमेश्वर ने अपणे मणू होणे तांइ सद्दे रा है, चाए फिरी से यहूदी हो या गैर यहूदी हो, तिन्हा तांइ मसीह परमेश्वर री ताकत ते ज्ञान हिन।

1 कुरुन्थियों 1:24 ပူးပေါင်းရင်းမြစ်များ

लूका 11:49

इधेरे तांइ परमेश्वर रे वचन अन्दर भी बोल्ले रा है, कि मैं तिन्हा का भविष्यद्वक्ता जो ते प्रेरिता जो भेजणा ते तिन्हा ने उन्हा मणूआं बिच का किच्‍छ जो मारी दैणा ते किच्‍छ मणूआं तांइ मुसीबत खड़ी करी दैणी

लूका 7:35

पर समझ अपणे मनणे वालेयां री वजह कने सही साबित हुंदी

रोमियों 1:16

किजोकी मैं मसीह रा सुब बसेख सुनाणे बिच गर्व करदा। ए सुब बसेख परमेश्वर री से ताकत है जिनिए पैल्ले यहूदी लोक्कां जो छुटकारा दित्तेया, ते अवे गैर यहूदियां जो भी छुटकारा देया करदे हिन।

रोमियों 1:4

ते जां से पवित्रात्मा री ताकत कने मरे रे लोक्कां बिच का फिरी जिन्दे कित्ते गे, तां से परमेश्वर रे पुत्तर ठैहरे।

रोमियों 1:7

मैं ए चीठ्ठी रोम सहर बिच रैह्णे वाले तुसा सारे विश्वासियां जो लिख्खेया करदा है, जिन्हा जो परमेश्वर प्यार करदे ते जिन्हा जो तिन्हा ने अपणे मणू बणने तांइ चुणे रा है। परमेश्वर पिता ते मसीह यीशु तुसा जो अनुग्रह ते सांती दैण।

रोमियों 9:24

मतलब असी लोक, जिन्हा जो परमेश्वर ने ना सिर्फ यहूदी लोक्कां बिच का, पर गैर यहूदियां बिच का भी चुणेया।

1 कुरुन्थियों 1:18

जां मणू मसीह रे सुली पर मरणे रा बसेख सूणदे, तिन्हा बिच का किच्‍छ मणू ए सोचदे कि ए बसेख बेवकूफी भरा है। जे मणू इय्यां सोचदे से ओ मणू हिन जे नरक बिच पाए जाणे। पर असी मणू जे तिस बसेख पर विश्वास करदे, ए परमेश्वर रा अपणे लोक्कां जो अपणी ताकत कने बचाणे रा रस्ता है।

1 कुरुन्थियों 1:30

पर परमेश्वर ने तुसा लोक्कां रा रिस्ता मसीह यीशु कने जोड़ेया, ते मसीह यीशु रे जरिये से असा जो अपणा ज्ञान दिंदे, परमेश्वर असा जो अपणी नजर बिच धार्मिक ठैहरांदे। असी मणू मसीह यीशु रे जरिये पवित्र ठैहराये गेरे हिन ते असा जो पाप का अजाद करदे।

1 कुरुन्थियों 1:9

परमेश्वर अपणी हर इक्क गल्ल बिच भरोस्सेमंद हिन, ते तिन्हा ने अपणे पुत्तर प्रभु यीशु मसीह कने तुसा रा रिस्ता जोड़णे तांइ सद्दे रा है।

कुलुस्सियों 2:3

परमेश्वर रे बारे बिच ज्ञान ते बुद्वी इक्क लुके रे खजाने सांई है। सिर्फ मसीह यीशु ही तिसजो लोक्कां पर प्रकट करदे।