1 कुरुन्थियों 1:17 - चम्बयाली नौआ नियम

¹⁷ किजोकी मसीह यीशु ने मेरे जो बपतिस्मा दैणे तांइ नी, पर सुब बसेख सुनाणे जो भेज्जे रा है, जां मैं सुब बसेख सुणांदा तां मैं अपणे गल्ल-बात करणे री खूबी रा इस्तेमाल नी करदा, नी ता लोक्कां ने सिर्फ मेरे गल्ल-बात करणे रे तरिक्के कने ही मेरा भरोस्सा करी लैणा थिया ते शायद तिन्हा लोक्कां ने सुली पर मसीह यीशु री मौत री ताकत का अनजाण रैह्णा थिया।

1 कुरुन्थियों 1:17 ပူးပေါင်းရင်းမြစ်များ

यूहन्ना 4:1

फिरी जां प्रभु जी जो पता लग्गेया कि फरीसियां ने सुणे रा है कि यीशु यूहन्ना का भी जादा चेल्‍ले बणांदा ते तिन्हा जो बपतिस्मा दिन्दा

यूहन्ना 4:2

हालांकि यीशु अप्पु नी पर तिसेरे चेल्‍ले बपतिस्मा दिंदे थिये।

प्रेरितां रे कम्म 10:48

ते पतरस ने हुकम दित्तेया कि तिन्हा जो मसीह यीशु रे नां कने बपतिस्मा दित्तेया जाये, तां तिन्हा ने पतरस रे छन्दे कित्ते कि किच्‍छ रोज होर तिन्हा का रुकी जाये, ते से तिन्हा लोक्कां कने किच्‍छ दिनां तांइ रुके।

1 कुरुन्थियों 2:1

ओ संगी विश्वासियों, मैं जां आई करी तुसा जो परमेश्वर रे सुब बसेख रा राज़ दस्सेया, तिस बेल्ले मैं तुसा सामणे समजदार लगणे तांइ बड़े वरी बुलंद शब्द नी इस्तेमाल कित्ते।

1 कुरुन्थियों 2:13

हर इक्क गल्ल जे असी बोलदे से असा जो इन्सान कने नी बल्कि परमेश्वर रे आत्‍मा रे जरिये सिखाया गे रा है। ते से ही आत्‍मा आत्मिक लोक्कां जो आत्मिक गल्लां सिखाणे तांइ असा री मदद करदा।

2 कुरुन्थियों 1:12

किजोकी असी अपणे विवेक री इस गवाई पर असी पूरी बुड़ख कने बोलदे कि असी अपणे हर काम्म-काज बिच परमेश्वर री दित्ते री पवित्रता ते सच्चाई कने जिन्दगी जिन्दे, खासतौर पर जां असी तुसा कने थिये। असी अपणी इन्सानी समझ पर नी पर परमेश्वर रे अनुग्रह पर निर्भर रैहन्दे।

2 कुरुन्थियों 10:10

किजोकी तुसा बिच का मते जणे बोलदे, कि मेरी चीठ्ठियां तां बड़ी कड़क ते जोरदार हिन, पर जिस बेल्ले मैं आमणे-सामणे मिलदा, तां कमजोर ते गल्ल-बात करणे बिच बेकार लगदा।

2 कुरुन्थियों 11:6

भले ही मैं बोल-चाल अन्दर अनाड़ी है, पर मेरे जो ज्ञान री कमी नी है; बल्कि मैं तुसा जो हर बेल्ले ते हर तरिक्के री हालात बिच शिक्षा दैणे रे जरिये इस गल्ल जो साबित कित्ते रा है।

2 कुरुन्थियों 4:2

पर असा ने शरम रे ते गुप्त कम्मां जो छड्डी दित्तेया, अते न चलाकी कने चलदे, अते ना परमेश्वर रे वचन बिच हेराफेरी करदे, पर परमेश्वर रे सामणे असी सिर्फ सच बोलदे, ते असी लोक्कां रे विवेक बिच ए बिठाई दिंदे कि जे असी बोल्लेया करदे हिन से सच है।

2 पतरस 1:16

जां असी प्रेरितां ने तुसा जो मसीह यीशु री ताकत ते तिन्हेरे हटणे रे बारे बिच दस्सेया थिया, तां असी तुसा जो चलाकी कने कोई मनघड़ंत कहाणी नी थिये सुणांदे। बल्कि असी मसीह री महिमा दिख्खे री है।