1 कुरुन्थियों 1:16 - चम्बयाली नौआ नियम

¹⁶ ते हाँ, मैं स्तिफनास रे टब्बर जो भी बपतिस्मा दित्तेया थिया, इन्हेरे अलावा मैं होर कुसकी जो बपतिस्मा नी दित्तेया।

1 कुरुन्थियों 1:16 ပူးပေါင်းရင်းမြစ်များ

प्रेरितां रे कम्म 11:14

तिन्ने तुसा कने इदेइ गल्लां बोलणी, जिन्हा कने परमेश्वर ने तिज्जो तेरे पूरे टब्बर जो छुटकारा दैणा।

प्रेरितां रे कम्म 16:15

अपणे सारे टब्बर समेत बपतिस्मा लैणे का बाद तिसने असा रे छन्दे कित्ते कि जे तुसा मेरे जो परमेश्वर री सच्ची भक्तण मनदे तां चलो मेरे घरे रुको ते से असा जो मनाई करी अपणे घरे लेई गई।

प्रेरितां रे कम्म 16:33

फिरी जेल रा से अधिकारी तिस्सी रात ते तिस्सी बेल्ले तिन्हा जो तित्ते का लेई गेया तिसने तिन्हेरे जख्म धोये, ते तिसने अपणे घरेतां समेत बपतिस्मा लित्तेया

1 कुरुन्थियों 1:15

कि कोई मणू ए नी बोल्ले कि मैं पौलुस रा चेल्ला बणने तांइ बपतिस्मा लित्ते रा है।

1 कुरुन्थियों 16:15

ओ संगी विश्वासियों, तुसा स्तिफनास ते तिसेरे घराने जो जाणदे। से अखाया प्रदेश रे पैल्ले मणू हिन जिन्हा ने मसीह यीशु बिच विश्वास कित्तेया थिया। ते से मणू परमेश्वर रे लोक्कां री सेवा करणे तिकर हमेसा तैयार रैह्‍न्दे।

1 कुरुन्थियों 16:17

मैं स्तिफनास ते फूरतुनातुस अखइकुस रे आणे कने खुस है किजोकी तिन्हा ने मेरी से हर आर्थिक जरुरत पूरा कित्ता जे तुसा पूरी नी करी पांदे थिये।