1 कुरुन्थियों 1:15 - चम्बयाली नौआ नियम

¹⁵ कि कोई मणू ए नी बोल्ले कि मैं पौलुस रा चेल्ला बणने तांइ बपतिस्मा लित्ते रा है।

1 कुरुन्थियों 1:15 ပူးပေါင်းရင်းမြစ်များ

2 कुरुन्थियों 11:2

मैं भी तिय्यां ही तुसा री फिकर करदा जिय्यां परमेश्वर तुसा री फिकर करदे। किजोकी मैं तुसा जो मसीह यीशु जो सौंपणे रा इराद्दा कित्ते रा है। ए तिय्यां ही है कि जिय्यां इक्क प्यो अपणी कुंआरी कुड़ी जो तिसेरे लाड़े जो ब्याह का बाद सौंपी दिंदा।

यूहन्ना 7:18

जे कोई अपणे पासे का बोलदा से अपणी अप्पु ही बड़ाई करदा, पर जे अपणे भेजणे वाले री बड़ाई चाहन्दा, से ही सच्चा है, कने तिस बिच कोई ढोंग नी है।

मत्ती 3:6

तिन्हा लोक्कां ने अपणे-अपणे पाप्पां का तौबा करी के यरदन नदी बिच यूहन्ना बपतिस्मा दैणे वाला का बपतिस्मा लित्तेया।

मत्ती 28:19

इधेरे तांइ तुसा जाओ अते जाति-जाति रे लोक्कां जो मेरा चेल्ला बणाओ तुसा जो ए कम्म परम पिता रे नां बिच, पुत्तर रे नां बिच अते पवित्रात्मा रे नां बिच उन्हा जो बपतिस्मा देई करी पूरा करणा है।

1 कुरुन्थियों 1:14

मैं परमेश्वर रा शुक्रिया करदा कि मैं क्रिस्पुस ते गयुस नां रे दो भ्यालां जो छड्डी करी तुसा बिच का होर कुसकी जो बपतिस्मा नी दित्तेया,

1 कुरुन्थियों 1:16

ते हाँ, मैं स्तिफनास रे टब्बर जो भी बपतिस्मा दित्तेया थिया, इन्हेरे अलावा मैं होर कुसकी जो बपतिस्मा नी दित्तेया।