1 कुरुन्थियों 1:11 - चम्बयाली नौआ नियम

¹¹ किजोकी ओ मेरे संगी विश्वासियों, खलोए रे टब्बर ने मेरे जो तुसा रे बारे दस्सेया कि तुसा बिच लड़ाई-झगड़े होया करदे हिन।

1 कुरुन्थियों 1:11 ပူးပေါင်းရင်းမြစ်များ

1 कुरुन्थियों 1:10

अवे ओ मेरे संगी विश्वासियों, मैं असा रे प्रभु यीशु मसीह रे हक कने तुसा जो इय्यां करणे तांइ जोर पांदा कि तुसा सारे जणे इक्क ही गल्ल पर राज़ी होया करो, ते तुसा लोक्कां बिच कोई फूट ना हो ते मैं जोर पाई करी बोलदा कि इक्क मकसद ते इक्क ही तरिक्के सोच विचार रख्खी करी अप्पु-मिते सांती बणाई रख्खो।

1 कुरुन्थियों 1:12

मेरे बोलणे रा मतलब ए है कि तुसा बिच का कोई बोलदा, मैं पौलुस रे सिखाए चलदा, ते कोई बोलदा कि मैं अपुल्लोस रे सिखाए चलदा, ते कोई बोलदा कि मैं पतरस रे सिखाए चलदा, ते कोई बोलदा कि मैं मसीह यीशु सिखाए चलदा।

1 कुरुन्थियों 11:18

किजोकी पैल्ले ता मैं ए सूणदा कि जां तुसा कलीसिया बिच अराधना करणे तांइ कठिदें तां तुसा बिच फूट पे री है, ते मैं मनदा कि इस गल्ल बिच थोडा़-मती सच्चाई भी है।

1 कुरुन्थियों 3:3

किजोकी हल्ले तांइ तुसा इस दुनिया रे अविश्वासी लोक्कां सांई हिन। तुसा रे बिच हिर्स अते झगड़ा है, इस कने साबित हुंदा कि तुसा इस दुनिया रे दूए लोक्कां सांई हिन ते तिय्यां ही बरताव करदे।

2 कुरुन्थियों 12:20

किजोकी मेरे जो डर है, कि कुते इय्यां ना होई जाए कि जां मैं तुसा का आं, तां जदेया मैं चाह्‍ंदा, तुसा तदेय ना होण, ते तुसा भी मेरे जो तदेया ना पाओ जदेया तुसा मेरे जो चाह्‍ंदे। ते मेरे जो डर है कि तिसेरी वजह कने तुसा बिच लड़ाई, हिरस, गुस्सा, विरोध, मतलबीपन, चुगली, घमण्ड, धोखा-धड़ी ते बखेड़े होई जाणे।

गलातियों 5:15

जे अगर तुसा अप्पु-मिते लड़दे रे, तां चुकन्ने रेयो कि कुथकी तुसा अप्पु जो बर्बाद ना करी लेयो।

गलातियों 5:20

मूर्तां री पूजा करणा, जादू-टोणा करणा, दुश्मणी रखणा, लड़ाई-झगड़े करणा, हिरस, लैह्र, मतलबीपन, दूज्जे रे खिलाफ सोच, फूट पाणा, गुटबंदी करणा,

गलातियों 5:26

असी घमंडी ना बणे ते ना ही इक्क-दूज्जे जो छेड़े, अते नां इक्क-दूज्जे री हिर्स करण।

फिलिप्पियों 2:14

सारे कम्म बगैर कुडकुडाए ते बगैर कुसकी बैसहबाजी रे करेया करो।

1 तीमुथियुस 6:4

तां से मणू घमंडी है, ते से किच्‍छ भी नी समजदा। इदेया मणू वस बुरी, हिर्स, झगड़े ते गंदी गल्लां रे बारे बिच बैह्स ते झगड़े करणा पसंद करदा।

तीतुस 3:9

पर तुसा तिन्हा फालतू री बैह्सबाजी ते लड़ाई-झगड़े का दुर रेयो जे पूरखां ते मूसा रे कानून रे बारे बिच हुंदे। किजोकी से बेकार ते कुसकी भी फायदे री नी हिन।